Markos 4:35 - Dakota Wowapi Wakan Kin

³⁵ Unkan anpetu kin he en, wanna ḣtayetu hehan, hewicakiya; Akasanpa unyanpi kta.

Markos 4:35 ပူးပေါင်းရင်းမြစ်များ

Mattheos 14:22

Hehan ecahankeya Jesus waonspewiyakiye cin wata wan en ope wicaśi, iye itokam akasanpa yapi kta, oyate kin hde wicaśi icunhan.

Mattheos 8:18

Unkan Jesus wicota ḣinca ihdukśan yukanpi kin hena wanwicayaka hehan akasanpa yapi kta keya.

Markos 5:21

Unkan Jesus ake watom akasanpa ki qehan, oyate ota en mniciyapi; qa mde kin ikiyedan un.

Markos 6:45

Hehan ecahankeya waonspewicakiye cin wata kin en okipe wicaśi, qa tokaheya akasanpa Bethseda ekta yapi kta, kewicakiya; icunhan iye wicota kin hde wicaśi kta.

Markos 8:13

Hehan eḣpewicaye c̣a wata kin en okipe c̣a akasanpa hda.

Lukas 8:22

Unkan anpetu kin hena wanji en, waonspewicakiye cin om wata wan en opa; qa heiyicakiya; Mde kin akasanpa unyanpi kta ce. Hecen canan eyaya.

Lukas 8:25

Unkan hewicakiya; Wacinyayapi kin tukte e he. Unkan iś wikopapi, inihanpi qa hekiciyapi; De taku wicaśta he; tate mini kici ee kaeś okiya eca, anagoptan ece.

Johannes 6:1

Hena iyohakam Jesus Galile mde kin, he nakun Tiberias mde kin ee, he akasanpa iyaya.

Johannes 6:17

Qa wata wan en opapi qa mde kin he opta yapi, Kapernaum heciya i wacinpi. Unkan otpaza tuka nahanḣin Jesus ekta wicahi śni.

Johannes 6:25

Unkan mde kin akasanpa hen iyeyapi qehan, heciyapi; Itancan tohinni den yahi he.