Markos 3:14 - Dakota Wowapi Wakan Kin

¹⁴ Unkan akenonpa wicakaḣniga, ohinniyan kici unpi kta, qa woyaka yewicaśi kta;

Markos 3:14 ပူးပေါင်းရင်းမြစ်များ

Markos 3:13

Unkan hetanhan paha wan ekta ye c̣a, tona cin kin hena wicakico; unkan en hipi.

Markos 3:15

Qa wayazankapi kin asniwicayapi kta, qa wakan śica napewicayapi kta, wowaśake yuhapi kta.

Markos 6:30

Unkan tona yewicaśi qon hena Jesus en hdipi, qa taku owasin okiyakapi, taku econpi qa taku oyakapi ko.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Johannes 15:16

Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

Olianyanpi kin 1:8

Tuka Woniya Wakan kin en nihipi kinhan, wowaśake duhapi kta; hehan Jerusalem en, qa Juda makoce kin owancaya, qa Samaria qa maka ihanke kin hehanyan mayadaotaninpi kta ce.

Galatia 1:1

Palos yewicaśipi kin heca, wicaśta akantu kin etanhan śni, qa wicaśta on kagapi śni, tuka Jesus Messiya etanhan, qa Wakantanka Ateyapi kin, he wiconṭe etanhan najin kiye cin he nakun etanhan;