Markos 2:20 - Dakota Wowapi Wakan Kin

²⁰ Tuka anpetu kin u kta, tohan tawicu ton kte cin he ewicakiciyakupi kta, unkan anpetu kin hena en akiḣanic̣iyapi kta.

Markos 2:20 ပူးပေါင်းရင်းမြစ်များ

Mattheos 26:31

Hehan Jesus hewicakiya; Hanyetu kin de niyepi owasin eḣpemayayapi kta. Kaken wowapi en kagapi; Waawanhdake kin he awape kta, unkan hetanhan taḣinca wanunyanpi optaye kin enanakiya iyayapi kta.

Mattheos 9:15

Unkan Jesus hewicakiya; Wakankiciyuza cincapi kin tohanyan tawicu ton kte cin om un kinhan, hehanyan token ecin iyokiśicapi kta he; tuka anpetu u kta tawicu ton kte cin ewicakiciyakupi kta, unkan hehan akiḣaniciyapi kta.

Markos 2:19

Unkan Jesus hewicakiya; Wakankiciyuzapi cinca kin hena tohanyan tawicu ton kte cin om un kin hehanyan akiḣanic̣iyapi kta okihipi he. Tohanyan tawicu ton kte cin yuhapi kinhan, hehanyan akiḣanic̣iyapi kte śni.

Markos 2:21

Tuwedan śina teca onśpa onḣdoḣda tanike cin en akihdagton śni; hecon kinhan onśpa teca en akagegepi kin he tanike cin etanhan namna kta, hecen oyuḣdece kin sanpa tanka aya.

Lukas 17:22

Hehan waonspewicakiye cin hewicakiya; Anpetu wan hiyohi kta, Wicaśta Cinhintku kin anpetu tawa kin wanji wandakapi kta yacinpi kta, tuka wandakapi kte śni.

Lukas 5:35

Tuka anpetu kin u kta, en tawicu ton kin he ewicakiciyakupi kta; hehan anpetu kin hena en wote śni unpi kta.

Johannes 12:8

Tokeśta wowaḣpanica ohinni wicaduhapi kta; tuka miye e ohinniyan mayaduhapi kte śni, eya.

Johannes 13:33

Hokśiyoqopa ehake ptenyedan ocipapi kta. Amayakitapi kta, qa Juda oyate ewicawakiye ciqon; Tokiya mde cin ekta yaipi kta oyakihipi śni ce; he iyecen nakaha eciciyapi.

Johannes 16:28

Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.

Johannes 16:7

Tuka wowicake ece ociciyakapi; wahde cinhan heon tanyan yaunpi kta, qa wahde śni kinhan Wicakicanpte kin en nihipi kte śni; tuka wahde cinhan niyepi ekta uwaśi kta.

Johannes 17:11

Wanna oyate kin dematanhan śni, tuka iye e oyate kin en opeya ni unpi, qa miye wanna nitankiyadan waku kta. Ate wakan, nicaje kin on dena mayaqu qon hduha wo, hecen unwanjidan qon iś iyecen wanjidan kta.

Johannes 17:13

Wanna nitankiyadan waku kta, oyate kin den opeya waun kin en ehake hecen epa, hecen on mitowiyuśkin kin iyepi en wicakiyuśtanpi kta.

Johannes 3:29

Tuwe tawicu ton kin he hihna yanpi kin hee, tuka hihna yanpi takodaku kin en taninyan anagoptan najin, qa hihna yanpi ho kin naḣon kin heon iyuśkin ece. Heon etanhan wowiyuśkin mitawa kin wanna yuecetupi ce.

Olianyanpi kin 1:9

Unkan hena hecen eye c̣a, wanhdakapi icunhan, yuwankan icupi; qa wanyakapi kin etanhan maḣpiya śapa wan eyaku.

Olianyanpi kin 14:23

Unkah okodakiciye otoiyohi en hunka wicayapi kin wicakagapi, qa wote śni wocekiye eyapi qehan, Itancan wicadapi qon he awanwicahdake kta e icekiyapi.

Olianyanpi kin 3:21

He qe maḣpiya kin ekta eyakupi kta, taku owasin ekicetuyapi kta anpetu kin hehanyan, Wakantanka maka icage cin hetanhan wicaśta wokcan wakan wicahduhe cin owasin i kin eciyatanhan oyake ciqon hee.

I. Korinth 7:5

Otoiyohi tancan eḣpekiciyapi śni po, ptecedan hehanyan, napin wicayadapi kinhan heceedan, takudan yute śni qa wocekiye eyapi kin en ocowasin yenic̣iyapi kte cin heon, kinhan ake napin yahdapi kta, unmana kinhan oic̣ihipi śni kin on Satan iyutanniyanpi kta naceca.

II. Korinth 11:2

Wakantanka winawizi kin iyecen inaciwizipi, wicaśta wanjidan kiciyus ciyapi, hokśiwinna ecedan un kin Messiya ekta aciipi kta heon.

II. Korinth 11:27

Mdowakiṭa qa nina ḣtawani kin on, ota kiktahan waun kin on, wotektewahda qa imapuza on, ijehan amakiḣan kin on, macuwita qa tancodan waun kin on;

II. Korinth 6:5

Apapi kin en, kaśka hnakapi kin en, yuomdecapi kin en, wicoḣtani kin en, kiktahan unpi kin en, wotektehdapi kin en;

Wayuotanin 19:7

Heon etanhan piundapi, qa unkiyuśkinpi kta, qa wowitan unqupi kta; Amnos kin tohan tawicu ton kte cin wanna iyehantu, qa winoḣinca kin taku owasin wiyeya ekihnaka.

Wayuotanin 21:9

Hehan maḣpiya ohnihde śakowin wiyatke śakowin wicokakije ehake śakowin kin on ojudan yuhapi qon hena etanhan wanji hi, qa omakiye c̣a heya, U wo, winoḣinca wan Amnos kin tawicuye kte cin he cicipazo kta ce.