Markos 2:16 - Dakota Wowapi Wakan Kin

¹⁶ Unkan wowapi kagapi Pharisee ko, wamnayanpi qa waḣtanipi sa om wota yanka wanyakapi, hehan waonspewicakiye cin hewicakiyapi;. Tokeca e wamnayanpi waḣtanipi sa ko om wota qa wayatkan he.

Markos 2:16 ပူးပေါင်းရင်းမြစ်များ

Mattheos 18:17

Tuka hena nakun anawicagoptan śni kinhan, hehan okodakiciye kin owicakiyaka wo; unkan okodakiciye kin anawicagoptan śni kinhan, hehan Ikcewicaśta qa wamnayanpi kin iyecen yahdawa kta.

Mattheos 5:46

Tona waśtenidapi kin hena waśte wicayadapi kinhan wokajuju taku duhapi he; wamnayanpi kin hena eepi kaeś heconpi śni he.

Mattheos 9:11

Unkan Pharisee kin iś he wanyakapi hehan waonspewicakiye cin hewicakiyapi; Tokeca Waonspekiye nitawapi mazaska mnayanpi waḣtanipi sa ko om wota he.

Markos 2:15

Unkan he ti kin ohna Jesus wota iyotanka, hehan mazaska mnayanpi waḣtanipi sa ko ota Jesus kici iyotankapi, waonspewicakiye cin hena koya: wicota qa ihakam unpi ece.

Markos 2:7

Tokeca wicaśta kin de śicaya ia he: Tuwe woaḣtani kajuju kta okihi he, Wakantanka ecedan.

Lukas 18:11

Unkan Pharisee kin iśnana najin, qa kaken wocekiye eya; Wakantanka, wicaśta tokeca iyemacece śni, wawicakipi sa, oḣan owotanpidan śni, wawiciḣaḣapi econpi sa, qa wamnaye cin dee kaeś iyemacece śni heon wopida eciciya.

Lukas 19:10

Wicaśta Cinhintku kin taku atakuni śni qon he akite c̣a niye kta e heon hi ce, eya.

Lukas 19:7

Unkan he wanyakapi qehan owasin ikapapi qa heyapi, Wicaśta wan waḣtani sa he kici wote kta iyaya ce.

Lukas 5:30

Tuka wowapi kagapi wicayuhapi qa Pharisee kin hena waonspewicakiye cin wicakigepi, qa heyapi; Tokeca e wamnayanpi qa waḣtanipi sa om wayatapi qa wadatkanpi ece he.

Olianyanpi kin 23:9

Hecen nina owodutaton, qa wowapi kagapi Pharisee etanhanpi kin hena inajinpi, qa wicakigepi, qa heyapi, Wicaśta kin de en taku śica takudan iyeunyanpi śni; tuka wanagi, qa maḣpiya ohnihde wan taku okiyake cin he hecetu kinhan, Wakantanka kici unkicizapi kte śni.

I. Korinth 2:15

Tuka tuwe wakanyan un kin he taku owasin iyukcan, tuka iye kin tuwedan on yukcanpi śni.

Hebrew 12:3

Tuwe waḣtanipi sa taku i en hiyeyapi kin he iye en waḣbayedan iyowinye ciqon he awacin po, hecen nitawacinpi kin ekta iconimnipi kte śni, qa wacin iboyaśakapi kte śni.