Markos 16:19 - Dakota Wowapi Wakan Kin

¹⁹ Hecen Itancan kin owicakiya, hehan maḣpiya ekta eyakupi, qa Wakantanka etapa eciyatanhan kiyotanka.

Markos 16:19 ပူးပေါင်းရင်းမြစ်များ

Markos 16:20

Unkan hena iyayapi, qa owancaya woyakapi; qa Itancan kin wicoḣan tanka econwicakiye cin on wicoie kin yuecetu ece. Amen.

Lukas 22:69

De iyohakam Wicaśta Cinhintku kin Wakantanka towaśake etapa kin eciyatanhan iyotanke kta ce, eya.

Lukas 9:51

Unkan anpetu en wankan eyakupi kte cin wanna kiyedan aya, hehan Jerusalem ekta ye kta e ite kin hdusuta;

Johannes 13:1

Anpetu en wośnapi ece kin itokam, anpetu qon wanna hiyohi, he en maka kin detanhan iyaye kta, Atkuku ektakiya hde kta, Jesus sdonkiya, tona maka akan tawa kin waśtewicadake cin hena owihanketa waśtewicakida.

Johannes 16:28

Atewaye cin eciyatanhan wau, qa oyate kin de en wicawahi Ake oyate kin eḣpewicawaye kta qa Ate ekta wahde kta.

Johannes 17:13

Wanna nitankiyadan waku kta, oyate kin den opeya waun kin en ehake hecen epa, hecen on mitowiyuśkin kin iyepi en wicakiyuśtanpi kta.

Johannes 20:17

Unkan Jesus heciya; Ihnuhan omayadutan kin; nahanḣin Ate ekta wahde śni ce. Tuka mihunkawanji ekta wicaye c̣a hewicakiya wo, Ate ekta wahde kta, he ate yayapi kin ee, he Wakantanka mitawa kin ee, qa niś he Wakantanka nitawapi kin ee ce, eya.

Johannes 21:15

Unkan wotapi ayaśtanpi, hehan Jesus Simon Inyan heciya; Simon Jona cinhintku, dena eqe sam iyeya waśte mayadaka he. Han, Itancan, waśte cidaka e sdonyakiye ciqon, eya. Taḣincadan mitawa kin taku yutapi wicaqu wo, eciya.

Johannes 21:22

Ake tohan wahi kte cin hehanyan decen un kta wacin eśta, he etanhan initokeca he; niye miyahna u wo, Jesus eciya.

Johannes 6:62

Wicaśta Cinhintku kin wankan un qon ake ekta kihde c̣a, wandakapi kinhan, tokeca kta he.

Olianyanpi kin 1:22

Tokaheya Johannes baptem wicaqu qon hetanhan, anpetu kin en unkiyepi etanhan wankan eyakupi kin hehanyan, hena etanhan, piya ikicage cin, wanji unkiyopeyapi oyaka ece e kta, eya.

Olianyanpi kin 2:33

He Wakantanka etapa kin ekta yuwankan icupi, qa Atkuku kin Woniya Wakan iwahoye ciqon he icu, heon nakaha taku wandakapi qa nayaḣonpi kin he akaśtan.

Olianyanpi kin 3:21

He qe maḣpiya kin ekta eyakupi kta, taku owasin ekicetuyapi kta anpetu kin hehanyan, Wakantanka maka icage cin hetanhan wicaśta wokcan wakan wicahduhe cin owasin i kin eciyatanhan oyake ciqon hee.

Roma 8:34

Tuwe wayaco kta he. Tuwe ṭe ciqon he Messiya ee, qa ake piya ikicage cin hee, Wakantanka etapa kin eciyatanhan yanke c̣a, unkiyepi on wocekiye eciya.

Kolosse 3:1

Heon etanhan, Messiya kici piya inicagapi hecinhan, taku wankantuya Wakantanka etapa kin eciyatanhan, Messiya kiyotanke cin hen, un kin hena akita po.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Hebrew 4:14

Heon Wawayuśna Itancan tanka wan, Jesus Wakantanka Cinhintku, maḣpiya kin ekta iyaye cin hee unhapi kin heon wounhdakapi kin he sutaya unhduzapi kta.

Hebrew 6:20

Heciya Jesus kahin tokam ye cin unkiyepi on timahen iyaya, he Melkizedek ouncage kin iyecen Wawayuśna Itancan kin heca kagapi.

Hebrew 7:26

Wawayuśna Itancan kin hececa he iyounkipipi, wakan, iyaonpepica śni, waaśape śni, qa waḣtanipi sa wicicunonpa un, qa maḣpiya kin sanpa wankantuya icaḣyapi.

Hebrew 8:1

Taku nakaha unkeyapi yuptahnakapi kin he dee; Wawayuśna Itancan kin hececa unhapi, maḣpiya ekta Otancanke oiyotanke etapa kin en kiyotanka;

Hebrew 9:24

Messiya tipi wakan nape on kagapi kin he mahen i śni, tipi wakan ḣinca iyacinpi kin hena ee; tuka maḣpiya kin e qe mahen, qa heciya unkiyepi on Wakantanka itokam ihdutanin kta.

I. Inyan 3:22

Iye qe maḣpiya kin ekta kihde c̣a Wakantanka etapa kin eciyatanhan yanka; maḣpiya ohnihde, qa wicookihi, qa wowaśake kin owasin iye ihukun iyewicayapi.