Markos 16:17 - Dakota Wowapi Wakan Kin

¹⁷ Qa tona wicadapi kin hena wowapetokeca dena yuhapi kta Micaje kin on taku wakan śica tankan eḣpeyapi kta; wicaceji tokeca on iapi kta;

Markos 16:17 ပူးပေါင်းရင်းမြစ်များ

Markos 9:38

Hehan Johannes ayupte c̣a; Waonspekiye, wicaśta wan nicaje on taku wakan śica tankan eḣpeya wanunyakapi, he unkihakam u śni; unkan unkihakam u śni kin on etanhan teunḣindapi ce, eya.

Lukas 10:17

Unkan wikcemna śakowinpi qon wopidaya hdipi, qa heyapi; Itancan, nicaje kin eciyatanhan wakanśicapi kin iyepi kaeś anaungoptanpi ece.

Johannes 14:12

Wowicake, wowicake on heciciyapi; Tuwe wicamada kin he wicoḣan ecamon kin hena iś iyecen econ kta, nakun eeś sanpa tanka econ kta; Ate ekta wahde kte cin heon etanhan.

Olianyanpi kin 10:46

Wicaceji tokeca on iapi, qa Wakantanka yatanpi kin he naḣonpi. Hehan Inyan waayupte c̣a;

Olianyanpi kin 16:18

Qa anpetu ota hecen econ. Tuka Palos nagiyeye cin heon hakikta qa, Jesus Messiya caje on winoḣinca kin de etanhan tankata inanpe ciśi, taku wakan kin eciya. Unkan wihijayedan oape kin he en tankan hiyu.

Olianyanpi kin 19:6

Hehan Palos nape on awicaputake c̣a, Woniya Wakan en wicahi, unkan ceji tokeca on iapi qa wokcanpi.

Olianyanpi kin 2:33

He Wakantanka etapa kin ekta yuwankan icupi, qa Atkuku kin Woniya Wakan iwahoye ciqon he icu, heon nakaha taku wandakapi qa nayaḣonpi kin he akaśtan.

Olianyanpi kin 5:16

Unkan, otonwe itan ihdukśan kin hena etanhan wicota Jerusalem en hipi, qa tona wayazanpi, tona taku wakan śica wicayuhnaśkinyanpi ko en awicahipi; unkan owasin asnipi.

Olianyanpi kin 8:7

Taku wakan śica hotankakiya hotaninyan tona wicayuhnaśkinyanpi kin etanhan inanpapi, qa tona ṭaṭapike cin huśtepi ko ota okizipi.

I. Korinth 12:10

Qa wicaśta wan wowapetokeca econpi, qa wanji tokeca wiyukcanpi, qa wanji tokeca taku wakan iyukcanpi, qa wanji tokeca iapi ocaje ota, qa wanji tokeca iapi ieska oyakapi kin hecekcen wicaqupi ece.

I. Korinth 12:28

Unkan okodakiciye kin en Wakantanka kakenken ewicahde, tokaheya yewicaśipi kin hena, qa iyokihe wokcanpi, qa iciyamni waonspekiyapi; nehan wicowaśake, hehan waasniyanpi, waokiyapi, itancanpi, qa ceji toktokeca.

I. Korinth 12:30

Owasin waasniyanpi okihipi he; owasin ceji tokeca on iapi he; owasin ieskapi he.

I. Korinth 13:1

Wicaśta akantu, qa maḣpiya ohnihde cejipi kin on iwaa eśta, wacanwakiye śni ehantanhan maza śa snasna, qa taku ituya sna kin he iyemaceca.

I. Korinth 14:2

Tuwe ceji tokeca on ie cin he wicaśta kin takudan owicakiyake śni, tuka Wakantanka taku eciya; tuwedan naḣon śni kin heon: hececa eśta Woniya kin eciyatanhan taku woanaḣbe kin oyaka tuka.