Markos 16:16 - Dakota Wowapi Wakan Kin

¹⁶ Tuwe wicada qa baptem qupi kinhan he ni kta; qa tuwe wicada śni kinhan he yacopi kta.

Markos 16:16 ပူးပေါင်းရင်းမြစ်များ

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Markos 1:15

Qa heya; Wanna iyehantu, Wakantanka tokiconze kin kiyedan un; iyopeic̣iya po, qa wotanin waśte kin wicada po.

Lukas 8:12

Canku icahda qon he tona naḣonpi kin heepi; hehan wakan śice cin en hi, qa wicoie kin cantepi kin etanhan eyaku ece, awacinpi qa niwicayapi kte śni heon.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Johannes 3:36

Hecen tuwe Cinhintkuyapi kin wacinye cinhao owihanke wanin wiconi kin wanna yuha; tuka tuwe wacinye śni kinhan, he wiconi wanyake kte śni, tuka Wakantanka tocanniye kin wanna akan un.

Johannes 3:5

Unkan Jesus ayupte; Wowicake, wowicake eciyatanhan heciciya, Wicaśta kin mini qa Woniya kin on tonpi śni kinhan Wakantanka tokiconze kin en tin iyaya okihi kte śni ce, eya.

Johannes 5:24

Wowicake, wowicake eciyatanhan heciciyapi, Tuwe mioie kin anagoptan, qa u maśi kin he awacin kinhan, owihanke wanin wiconi yuhe kta; qa woyaco en i kte śni, wanna wiconṭe etanhan wiconi ekta e i.

Johannes 6:29

Jesus waayupte c̣a hewicakiya; Wakantanka wicoḣan tawa kin he dee, tuwe u śi kin he wicayadapi kta.

Johannes 6:35

Tuka Jesus hewicakiya; Aguyapi wiconi kin he miye ce. Tuwe en mau kinhan wotektehda śni un kta; qa tuwe wicamada kinhan ipuza śni un kta.

Johannes 6:40

Tuwe u maśi kin he tawacin kin he dee, toma Cinhintkuyapi kin he wanyake c̣a wicada kin hena owihanke wanin wiconi yuhe kta, qa anpetu ihankeya kin he en piya icaḣwaye kta.

Johannes 8:24

He etanhan wayaḣtanipi kin en niṭapi kta ce, eciciyapi. He miye kin wicayadapi śni kinhan wayaḣtanipi kin ehna niṭapi kta ce.

Olianyanpi kin 10:43

He wicaśta wokcan kin owasin oyakapi; iye caje kin eciyatanhan tuwe wicada kinhan woaḣtani wokajuju kin yuhe kta ce.

Olianyanpi kin 13:39

Qa taku owasin, Moses tawoahope kin niyuowotanpidan kta e okitpani kin hena ee kaeś etanhan, tuwe wicada kinhan iye on owotanna kagapi kta.

Olianyanpi kin 13:46

Hehan Palos Barnabas kici waditake ic̣icagapi qa heyapi, Wakantanka oie kin niyepi tokaheya oniciyakapi kta e hecetu; tuka he ayaktapi śni, qa owihanke wanin wiconi kin iyenihantupi śni nihdukcanpi kin heon, iho, Ikcewicaśta kin ekta unkihdamnanpi.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Olianyanpi kin 2:41

Unkan tona oie kin iyuśkinyan icupi kin hena baptem wicaqupi; hecen anpetu kin he en wicanagi kektopawinge yamni en opapi.

Olianyanpi kin 22:16

Unkan nakaha taku e ayape he. Najin wo, baptem nic̣upi kta, Itancan caje kin hoyeyakiye kta, hecen wayaḣtani kin yakpakinte kta ce, eya.

Roma 3:6

Hiya hecetu śni; hecetu kinhan token Wakantanka wicoicage kin wicayaco kta he.

Roma 4:24

Tuka unkiyepi on, he unkiciyawapi kte cin heon etanhan, tuwe Jesus Messiya Itancan unkiyapi kin wiconṭe etanhan najin kiye ciqon he wacinunyanpi kinhan.

II. Thessalonike 1:8

Peta ide kin en, tona Wakantanka sdonyapi śni, qa Jesus Messiya Itancan unkiyapi tawotanin waśte anagoptanpi śni kin hena wośitkihda wicaqu kta;

II. Thessalonike 2:12

Qa hecen tona wowicake wicadapi śni, qa woaḣtani en iyuśkinpi kin hena owasin wicayacopi kta.

I. Inyan 1:21

Wakantanka wicaṭe cin etanhan najinkiye c̣a wowitan qu qon he wicayadapi, iye eciyatanhan; hecen wicayadapi qa wacinyayapi kin he Wakantanka en un kta.

I. Inyan 3:21

Qa wiyacinpi kin he iyececa, baptem nakaha niunyanpi ece; wicaceḣpi aśape cin yutokan iyeyapi kin hee śni, tuka Wakantanka ekta wawiyukcan waśte waayupte cin hee, Jesus Messiya ihduekicetu kin heon etanhan;

Wayuotanin 20:15

Unkan tuwe wiconi wowapi kin en owapi iyeyapi śni kin he peta mde kin en iyoḣpeyapi ece.

Wayuotanin 21:8

Tuka tona wikopapi, qa wicadapi śni, qa waḣtepi śni, qa kin wicaktepi, qa wawiciḣaḣapi econpi sa, qa wapiyapi, qa wakagapi ohodapi sa, qa oitonpiśni kin hena owasin mde wan peta qa inyan zi on itkonyahe cin he ohna taku tawapi kta, wiconṭe inonpa kin hee.