Markos 16:14 - Dakota Wowapi Wakan Kin

¹⁴ He iyohakam akewanjipi wota iyotankapi icunhan en taninic̣iya, qa waceṭunhdapi qa cante sutapi on iyopewicaya; kini iyohakam tona wanyakapi kin heepi kaeś wicawicadapi śni heon.

Markos 16:14 ပူးပေါင်းရင်းမြစ်များ

Mattheos 11:20

Hehan otonwe kin tona en iye oḣan tanka econpi qon hena iyopewicaya, iyopeic̣iyapi śni heon.

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Mattheos 28:17

Unkan wanyakapi hehan ohodapi; tuka apa ceṭunhdapi.

Markos 7:18

Unkan hewicakiya; Niś eya oyakaḣnigapi śni he. Taku kaśta tankan tanhan wicaśta mahen iyaye cin he yuśape kta okihi śni e idukcanpi śni he.

Lukas 24:11

Unkan oiepi kin ikcekceya hitunkakanpi kin iyececa dakapi, qa wicawicadapi śni.

Lukas 24:25

Unkan hewicakiya; Witkotkokapi qa wicaśta wokcan taku oyakapi qon hena owasin wicada cante hunkapi śni kin:

Johannes 20:25

Itancan kin wanunyakapi, waonspewicakiye cin unmapi kin eciyapi. Tuka iye kin hewicakiya; Maza on nape en okatanpi qon he wanmdake śni, qa napsukaza maza okatanpi kin en omdutan śni, qa cuwi nakun en nape yewaye śni kinhan, wicawada kte śni ce, eya.

Johannes 20:26

Unkan anpetu śahdogan iyohakam, hehan ake waonspewicakiye cin mahen yukanpi, qa Thomas owicapeya un. Hehan Jesus en hi, tiyopa onatag han, qa wicacokaya inajin, qa, Wookiye nicipi un nunwe, ewicakiya.

Johannes 20:27

Hehan Thomas heciya; Ninapsukaza uye c̣a minape kin wanyaka wo; qa ninape kin uye qa micuwi kin en oputkan wo, qa waceṭunhda śni wicada wo.

Johannes 21:1

Hena iyohakam Jesus ake waonspewicakiye cin en ihdutanin, Tiherias mde kip etu; unkan ihdutanin kin he kaketu:

Johannes 21:14

Piya ekicetu kin etanhan, de iyamni Jesus waonspewicakiye cin en ihdutanin.

Olianyanpi kin 1:3

Iye kakije cin iyohakam hena eqe en ni un taninic̣iya, woyuotanin ota on, anpetu wikcemna topa hehanyan wanyagic̣iya, qa Wakantanka tokiconze taku tawa kin cajehdata ece;

I. Korinth 15:5

Qa Inyan wanhdake c̣a, hehan ake nonpapi kin wanhdakapi.

Wayuotanin 3:19

Tona cantewicawakiye cin hena wahokonwicawakiye c̣a, iyopewicawakiya ece. Heon mniheic̣iye c̣a ihduecetu wo.