Markos 15:43 - Dakota Wowapi Wakan Kin

⁴³ Joseph, Arimathea etanhan, woope aiekiyapi owotanna, qa nakun Wakantanka tokiconze kin ohinniyan ape un kin he u, a waditagya Pilate en ye c̣a, Jesus tancan kin kida.

Markos 15:43 ပူးပေါင်းရင်းမြစ်များ

Mattheos 19:30

Tuka tokaheya unpi kin wicota ehake unpi kta; qa ehake unpi kin hena tokaheyapi kta.

Mattheos 20:16

Hecen ehake unpi kin hena tokaheyapi kta; qa tokaheya unpi kin hena ehake unpi kta; wicota wicakicopi, tuka tonana wicakaḣnigapi ece.

Mattheos 27:57

Wanna ḣtayetu hehan Arimathea etanhan wicaśta wijica wan en hi, Joseph eciyapi, he nakun Jesus waonspewicakiye cin wanji ee;

Markos 14:54

Unkan Inyan itehan ihakam u, qa wośna kagapi itancan ti kin en hi; qa ookiyewicayapi kin om iyotanke c̣a peta kin en cosic̣iya.

Markos 15:44

Unkan wanna ṭa hecinhan Pilate yuśinyaya; heon akicita opawinge wicayuhe cin he kico, qa wanna wanakaja tanhan ṭa hecinhan he iwanga.

Lukas 2:25

Unkan iho, Jerusalem en wicaśta wan Simon eciyapi; he wicaśta owotanna qa cekiya ece kin heca, qa Israel Wokicanpte kin ape un; unkan Woniya Wakan kin kici un.

Lukas 2:38

Unkan he hehantudan ḣin en u, qa iś eya Itancan kin yatan, qa Jerusalem en tona opewicakitonpi kin ape unpi kin hena owasin Jesus cajewicakiyata.

Lukas 23:50

Unkan iho, wicaśta wan Joseph eciyapi, wahokonwicakiya ece kin heca, wicaśta waśte qa owotanna;

Lukas 23:51

He iye kin wakiconzapi qa oḣanpi qon wicawicada śni: Arimathea, Juda totonwepi kin wanji hee etanhan; iś eya Wakantanka tokiconze kin he ape un.

Johannes 19:38

Hehan ihakam Joseph Arimathea etanhan Pilate cekiya, Jesus tancan kin icu kta e heon; unkan iś eya Jesus waonspewicakiye cin wanji ee, tuka anaḣbeya, Juda oyate kowicakipe cin heon; unkan Pilate ayupta. He en u, qa Jesus tancan kin hdokiyahda.

Olianyanpi kin 13:50

Tuka Juda wicaśta kin iś, winoḣinca okinihan cekiya unpi kin hena iyowicapaśtakapi, qa otonwe kin en wicaśta itancanpi kin nakun, hecen Palos Barnabas kici śicaya wicakuwapi, qa makoce kin he etanhan ndicu wicayapi.

Olianyanpi kin 17:12

Heon etanhan wicota wicadapi, Helenes winoḣinca okinihan, qa nakun wicaśta ota.

Philippi 1:14

Qa Itancan kin en, hunkawanjin kiciyapi kin ota, miye makaśkapi kin on, sanpa nina waditakapi, qa kokipeśniyan wicoie kin taninyan oyakapi ece.