Markos 14:72 - Dakota Wowapi Wakan Kin

⁷² Hehan inonpa anpaohotonna kin hoton. Unkan hehan Inyan Jesus taku eciye ciqon; Anpaohotonna nonpa hoton śni, yamni akihde anamayakiḣbe kta ce, wicoie kin he kiksuya. Unkan he awakicin hehan ceya.

Markos 14:72 ပူးပေါင်းရင်းမြစ်များ

Mattheos 26:34

Jesus heciya; Hanyetu kin de anpaohotonna hoton śni itokam yamni anamayakiḣbe kta, awicakehan eciciya.

Markos 14:30

Unkan Jesus heciya; Awicakehan heciciya; Anpetu kin de, hanyetu kin de en, anpaohotonna nonpa hoton śni, ecen yamni akihde anamayakiḣbe kta.

Markos 14:68

Tuka anakiḣbe c̣a heya; Taku ehe cin he sdonwaye śni, qa nakun owakaḣnige śni ce. Hehan tankan ohanzi hdepi kin ekta iyaya; unkan anpaohotonna wan hoton.

Markos 14:71

Tuka iye wayaśice c̣a taku wakan cajeyata; Wicaśta kin de cajedatapi kin ecaca sdonwaye śni ce, eya.

Lukas 22:60

Unkan Inyan heya; Wicaśta, token ehe cin he sdonwaye śni ce. Unkan hecehnana, iahan icunhan, anpaohotonna kin hoton.

Lukas 22:62

Hehan Inyan tankan kihde c̣a nina ḣin ceya.

II. Korinth 7:10

Wakantanka eciyatanhan iyowicakiśice cin he ihduecetupi on wiconi kta, on tohinni iyopeic̣iyapi śni kin he kaga; tuka wicoic̣age kin de en iyowicakiśice cin he wiconṭe icaḣya.