Markos 13:9 - Dakota Wowapi Wakan Kin

⁹ Tuka iwanihdaka po; omniciye tanka kin en aniyanpi kta; qa omniciye tipi kin ohna nicaśtakapi kta; qa miye on wicaśta itancanpi wicaśtayatapi ko en aniipi kta, owicayakapi kta heon.

Markos 13:9 ပူးပေါင်းရင်းမြစ်များ

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Markos 1:44

Qa heciya; Ihnuhan tuwe taku eyakiye cinhan; tuka hde c̣a, wośna kage cin he en hdutanin wo, qa niyuskapi kta on taku Moses econ wicaśi qon hena wayuśna wo, hecen iyepi ekta woyutanin kta.

Markos 13:5

Unkan Jesus waayupte c̣a hewicakiya; Iwanihdaka po, okinni tuwe nihnayanpi kta.

Markos 13:8

Oyate wan oyate tokeca on najin kta, qa wokiconze wan wokiconze tokeca on; qa tuktekten maka śkanśkan yuke kta, qa wicaakiḣan qa wicokicize yuke kta. Dena wicoiyokiśice tokaheya kin ee.

Markos 6:11

Qa tona iyowinniciyapi śni qa ananigoptanpi śni kinhan, tohan hetanhan dapi kinhan, owicadakapi kta e heon watuśekśeca siha etanhan yahdatatapi kta. Awicakehan heciciyapi; Woyaco anpetu kin en, otonwe kin he kakije kte cin Sodom qa Gomorrah ahecece kta.

Lukas 9:5

Qa tuwe kaśta iyowinniciyapi sni kinhan, otonwe kin he inayapapi kinhan, nisihapi watuśekśeca onistakapi kin hee kaeś katata po, he owicayake kta ce.

Johannes 15:20

Wicoie wan eciciyapi qon he yeksuyapi; Ookiye yapi un kin he Itancan yuhe cin kakipe c̣a iyotan tanka śni. Śicaya makuwapi hecinhan, niś oyate kin śicaya nicuwapi kta; qa mioie yuhapi hecinhan, niś nioie kin niciyuhapi kta.

Johannes 16:2

Omniciye tipi kin etanhan tankan iyeniyanpi kta; nakun anpetu wan u kta, hehan tuwe kaśta niktepi kinhan, he Wakantanka iyokipiya kecin kta.

Olianyanpi kin 21:11

Qa en unhiyupi qehan, Palos ipiyaka tawa kin icu, qa on siha nape ko iyaihdaśke c̣a, Woniya Wakan kin heya ce, Wicaśta tuwe ipiyaka kin de tawa hecinhan, he Juda wicaśta, Jerusalem ekta, hecen kaśkapi kta, qa Ikcewicaśta kin nape kin en wicaqupi kta ce, eya.

Olianyanpi kin 7:54

Unkan hena taku kin naḣonpi hehan, cante kin ekta nina iyoyakapi, qa hi ahdakokokapi.

Olianyanpi kin 9:16

Qa micaje kin on taku token kakije kte cin he wakipazo kta ce, eya.

Philippi 1:29

Messiya he ayuco nic̣upi, iye wacinyayapi kte c̣a, nakun iye on kakiśniyanpi kte cin.

II. Thessalonike 1:5

Wakantanka tawoyaco owotanna wowapetokeca kin he dee, nicakijapi kin heon Wakantanka tokiconze kin iyehantu niyawapi kta.

II. Johannes 1:8

Iwanihdaka po, hecen taku unkamnanpi kin toki eḣpeunyanpi kte śni, tuka wokajuju iyakic̣uya unkicupi kta.

Wayuotanin 1:9

Johannes hunkawanjinyayapi, wokakije, qa wokiconze, wowaḣbadan ko, Jesus Messiya tawa kin en, tawaśi yayapi kin he miye; Wakantanka oie qa Jesus Messiya wohdake cin on etanhan, wita wan, Patmos eciyapi, hen waun.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 2:13

Nioḣan kin sdonwaya, qa tukten Satan oiyotanke tawa yanke cin hen yati; qa micaje in yuha yaun, qa wacinmayanpi kin aduśtan śni, anpetu kin Antipas waayatanin wicaka mitawa kin niyepi kin en, tukten Satan ti kin, hen ktepi qon he ehan.