Markos 13:34 - Dakota Wowapi Wakan Kin

³⁴ Wicaśta wan icimani ye kte cin, tipi eḣpeye c̣a taokiyewicaye cin taku econ wicaśi, otoiyohi wicoḣan wicaqu, qa tiawanyake cin he awanyake śi, he iyececa.

Markos 13:34 ပူးပေါင်းရင်းမြစ်များ

Mattheos 16:19

Unkan maḣpiya wokiconze iyuḣdoke kin he cic̣u kta; hecen taku maka akan yakaśke cinhan he maḣpiya ekta kaśkapi kta; qa taku maka akan yakiduśke cinhan he maḣpiya ekta kiyuśkapi kta.

Johannes 10:3

Qa iye tiyopa awanyake cin tiyopa kiciyugan ece, unkan taḣinca kin he ho kin naḣonpi ece; taḣinca tawa kin otoiyohi cajeyan wicakico, qa tankan wicahdoya ece.

Roma 13:6

Heon etanhan mazaska mnakiyapi kin en oyapapi ece: hena e Wakantanka taokiyepi kin ohinniyan taku kin de econ yukanpi.

I. Korinth 15:58

Hecen mihunkawanji waśte cicidapi kin, sutaya yahanpi, qa pahoho śni yaunpi nunwe; qa ohinniyan Itancan oḣan kin en aic̣iciya po, Itancan kin on ḣtayanipi kin he taku śni wanice kta sdonyayapi kin heon etanhan.

Kolosse 3:24

Itancan kin etanhan woaiḣpeye iyunwin kin iyacupi kta he sdonyayapi; Messiya Itancan kin wowidake niyanpi nakaeś.

Kolosse 4:1

Unkan, itancan yaunpi kin, tona wowidake wicaduhapi kin hena, taku owotanna qa iyecetu kin wicaqu po; maḣpiya ekta wanji Itancan yayapi yanke cin he sdonyayapi.

Wayuotanin 3:7

Unkan Philadelphia ekta okodakiciye ohnihde yuhapi kin he ecen wowapi kicaga wo; Tuwe wakan qa wicaka un, qa Dawid tiyopa iyuḣdoke kin yuhe c̣a, yuḣdoka eca tuwedan ecen iyeye śni, qa ecen icu eca tuwedan yuḣdoke śni ece kin hee hecen eya;