Markos 13:27 - Dakota Wowapi Wakan Kin

²⁷ Unkan hehan ohnihdewicaye cin hena ye wicaśi kta, qa tate ouye topa kin etanhan, maka ihanke kin etanhan qa maḣpiya ihanke kin hehanyan, wicakahnige ciqon hena witaya wicakpahi kta.

Markos 13:27 ပူးပေါင်းရင်းမြစ်များ

Mattheos 12:42

Itokaḣ wicaśtayatapi winoḣinca qon he woyaco kin en inajin kta, qa wicoicage kin de yaco kta; eqe Solomon toksape naḣon kta on maka ihanke kin etanhan u tuka; unkan iho, wanji Solomon isanpa tanka den un.

Mattheos 13:41

Wicaśta Cinhintku kin tona ohnihdewicaye cin hena yewicaśi kta; unkan tokiconze kin etanhan tona waḣtanipi qa taku śica econpi kin owasin pahipi kta:

Mattheos 13:49

Maka owihanke kinhan he iyecece kta; hehan maḣpiya ohnihde kin upi kta, qa tona śice cin owotanna unpi kin wiciyopeyapi kin hena iwicacupi kta;

Mattheos 24:22

Qa anpetu kin hena yuptecedan śni kinhan, wicaśta tuwedan ni kte śni; tuka wicakahnigapi kin hena on anpetu kin hena yuptecedan kta.

Mattheos 24:24

Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.

Mattheos 24:31

Unkanmazayahotonpi tanka hotanin kin on ohnihdewicaye cin yewicaśi kta, qa hena tate uya topa eciyatanhan, tona wicakaḣnige ciqon hena wicapahi kta, maḣpiya ihanke kin etanhan unma ihanke kin ekta hehanyan.

Markos 13:20

Unkan Itancan kin anpetu kin hena yuptecedan śni kinhan, wicaceḣpi takudan ni kte śni; tuka wicakaḣnigapi tona wicakaḣnige cin hena on anpetu kin hena yuptecedan.

Markos 13:22

Messiya itonpiśni qa wicaśta wokcan itonpiśni kin heca icagapi kta, qa wowapetokeca taku wowinihan ko econpi kta, okihipica unkanś wicakaḣnigapi kin hena eepi kaeś wicahnayanpi kta tuka.

Markos 13:28

Suken can kin etanhan wiyacinpi kin de okaḣniga po: Can intpa kin hinaḣin wankadan, qa etanhan ape icage cinhan, hehan mdoketu wanna ikiyedan sdonyayapi ece.

Lukas 16:22

Unkan waḣpanica kin he ṭa; qa maḣpiya ohnihde kin Abraham maku kin ekta ayapi. Wicaśta wijica qon iś eya ṭa, qa ḣapi.

Lukas 18:7

Unkan Wakantanka tona wicakaḣnige, c̣a anpetu hanyetu ko cekiyapi kin, hena tehan towicakicic̣on śni qeyaś, ocim econ kte śni he.

Johannes 10:16

Qa taḣinca toktokeca nakun wicamduha, taḣinca tipi kin den un śni: hena nakun awicawahi kta, hecen miho kin naḣonpi kta; hetanhan taḣinca tipi wanjidan kta, qa waawanhdake wanjidan kta.

Johannes 11:52

Qa oyate kin heceedan śni, tuka Wakantanka cinca omdecahe cin hena owasin wanjidankiya kiwitaye kta.

Roma 8:33

Tona Wakantanka wicakaḣnige cin hena tuwe taku iyawicaonpe kta he. Wicayaowotanna kin he Wakantanka kin ee ce.

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

II. Thessalonike 2:1

Mihunkawanji, Jesus Messiya Itancan unkiyapi u kte cin he, qa en mniunkiciyapi kte cin hena on ceunniciyapi ce;

II. Timotheos 2:10

He etanhan tona wicakaḣnigapi qon hena on taku owasin iyowinwaya, hena e wiconi Jesus Messiya en un kin he yuhapi kta, qa nakun owihanke wanin wowitan kin.

I. Inyan 1:2

Wakantanka Ateyapi kin otokaheya tanhan sdonwicaye cin eciyatanhan, qa Woniya wicayuecedan kta on wicakaḣniga, anagoptanpi kta, qa Jesus we kin awicamnimni kta e on, hena wowapi wicakicaga: Wowaonśida en niunpi, qa wookiye niciyuotapi nunwe.