Markos 12:6 - Dakota Wowapi Wakan Kin

⁶ Hehan cinhintku wanjidan waśtekidake cin he hinaḣin hduha; unkan he ehake ekta ye śi, qa; Micinkśi yuonihanpi kta ce, eya.

Markos 12:6 ပူးပေါင်းရင်းမြစ်များ

Mattheos 1:23

Iho, witanśna un wan ihduśake c̣a cinca ton kta; unkan Emmanuel eya caśtonpi kta; Wakantanka unkicipi un, eyapi kin he kapi.

Mattheos 11:27

Ate taku owasin maqu; unkan tuwedan Cinhintkuyapi kin sdonye śni, Ateyapi un kin hecedan sdonkiya; nakun tuwedan Ateyapi kin sdonye śni, tuka Cinhintku kin hecedan; qa tuwe Cinhintku kin sdonyekiye cin he nakun.

Mattheos 17:5

Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po

Mattheos 26:63

Tuka Jesus inina yanka. Unkan wośnapi kagapi itancan kin heciya; Wakantanka ni un kin on wacajeciciyate, Messiya Wakantanka Cinhintku kin he niye hecinhan, unkokiyaka miye.

Mattheos 3:17

Unkan iho, maḣpiya eciyatanhan wicaho wan heya; Micinkśi waśte wakidake cin he dee, on iyomakipi ḣinca ce.

Markos 1:11

Unkan maḣpiya eciyatanhan wicaho wan tanin, Micinkśi waśtewakidake c̣a tanyan iyomakipi kin he niye ce.

Markos 12:5

Unkan ake wanji tokeca ekta ye śi; qa he qe ktepi: unkan nakun wicota, hunḣ awicapapi qa hunḣ wicaktepi.

Markos 12:7

Tuka kicanyanpi kin hekiciyapi; Tawa kte cin he dee; iho po, unktepi kta; hecen he unkitawapi kta ce.

Markos 9:7

Unkan maḣpiya wan aohanziwicaya; qa maḣpiya kin eciyatanhan wicaho wan tanin qa heya; Micinkśi waśtewakidake cin he dee, he anagoptan po.

Lukas 3:22

Qa Woniya Wakan kin wakiyedan kaḣya tantonyan kun u, qa en iyahan; unkan maḣpiya eciyatanhan wicaho wan hiyu, qa heya; Micinkśi waśtewakidake cin he niye; niye on iyomakipi ḣinca.

Lukas 9:35

Unkan maḣpiya qon etanhan wicaho wan hinape, c̣a heya; Micinkśi waste wakidake cin he dee ce: he anagoptan po.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 1:34

He wanmdaka e on mdaotanin; Wakantanka Cinhintku kin hee.

Johannes 1:49

Nathanael ayupte c̣a heciya; Itancan, Wakantanka Cinhintku, Israel oyate Wicaśtayatapi kin he niye.

Johannes 3:35

Atkuku kin Cinhintku waśtekidake c̣a, taku owasin iye nape kin en qu:

Johannes 5:23

Heon etanhan owasin Ateyapi kin token ohodapi hecinhan he iyecen Cinhintku kin ohodapi kta. Tuwe Cinhintku kin ohoda śni kin he Atkuku u śi kin he nakun ohoda śni.

Hebrew 1:6

Unkan, tokapa kin he wicoicage kin ekta hiyuye c̣ehan hecen eya, Wakantanka ohnihde wicaye cin owasin he itokam canpeśka makehde enajin kta ce.

I. Johannes 4:9

Wakantanka canteunkiyapi kin he deciyatanhan tanin, Wakantanka iye Cinhintku iśnana icage cin he makata u śi, heciyatanhan unnipi kta e heon.

III. Johannes 1:1

Hunkayapi waun kin, Gayos waśtedakapi kin, wowicake en waśtewadake cin he, wowapi cicaga.