Markos 12:36 - Dakota Wowapi Wakan Kin

³⁶ Dawid iye qe Woniya Wakan on heya; Itancan kin Itancan mitawa heciya; Mietapa ekta iyotanka wo, tona tokaniyanpi kin hena siha oahe nitawa kin wakage kta hehanyan.

Markos 12:36 ပူးပေါင်းရင်းမြစ်များ

Mattheos 5:35

Qa nakun maka kin de, he Wakantanka siha oahe kin ee; qa nakun Jerusalem hecen cajedate kte śni, Wicaśtayatapi tanka totonwe kin hee.

Olianyanpi kin 1:16

Qa heya; Wicaśta hunkawanjinciyapi, Judas tona Jesus iyaḣpayapi qon en mdetahunka kin he on, ehanna Woniya Wakan, Dawid i kin eciyatanhan, ie ciqon, wowapi en kagapi kin, he ecetuyapi kta hunśte.

Olianyanpi kin 28:25

Unkan okonwanjidan awakicinpi śni kin, hehan kihdapi, Palos wicoie wanjidan oyake cin iyohakam; Woniya Wakan kin Isaya wicaśta wokcan kin en, hunkake wicunyanpi kin tanyan wowicakiyaka;

I. Korinth 15:25

Tona toka yapi kin hena owasin iye siha kin ihukun iyewicaye kte cin hehanyan ito wicaśtayatapi yanke kta.

II. Timotheos 3:16

Wowapi wakan ocowasin Wakan tanka Taniya kin eciyatanhan, qa waonspekiyapi, wiyopeyapi, owotanna kagapi, qa wicoḣan waśte en onspewicakiye cin he okihi.

Hebrew 1:13

Tuka ohnihdewicaye cin tukte wanji e, Mietapa kin en iyotanka wo, tona toka niyanpi kin hena nisiha woahe kin en ewicawahnake kta ce, eciya he.

Hebrew 4:7

Ake anpetu wan ke c̣a Dawid en heya, Anpe dehan, iye ho kin nayaḣonpi kinhan, cante hdutehipi śni po.

I. Inyan 1:11

Messiya Taniya iyepi en un kin, tohantuqa anpetu kin tukte e ka e iwangapi, Messiya kakije kte c̣a wowitan ihakam un kte cin henaitokamoyake ciqon he ehan.

II. Inyan 1:21

Wokcanpi kin wanakajatanhan wicaśta tawacin kin eciyatanhan u śni; tuka wicaśta wakan Wakantanka tawa Woniya Wakan kin token iewicakiye ciqon hena hecen eyapi ece.