Markos 12:34 - Dakota Wowapi Wakan Kin

³⁴ Unkan he wacinksamya ayupta Jesus wanyaka, hehan heciya; Wakantanka tokiconze kin itehan yaun śni. Unkan hetanhan tuwedan sanpa wiwanga tawaṭenye śni.

Markos 12:34 ပူးပေါင်းရင်းမြစ်များ

Mattheos 12:15

Tuka Jesus he sdonye c̣a hetanhan tokan iyaya; unkan wicota ḣinca ihakam unpi, qa iye hena owasin asniwicaya:

Mattheos 12:20

Cedi kaśuśujapi kin he yukse kte śni, qa haḣonta ide kte cin he kasni kte śni, woyaco he woohiye ekta au śni kinhan:

Mattheos 22:46

Unkan tuwedan oie wanjidan ayupte kta okihi śni; qa anpetu kin hetanhan tuwedan ake wiwanga tawaṭenye śni ece.

Lukas 20:40

He iyohakam tuwedan sanpa wiwanga tawaṭenye śni.

Roma 7:9

Ehanna woope codan ni waun; tuka woahope kin he hi qehan, woaḣtani kini, qa miye maṭa.

Galatia 2:19

Wakantanka on wani kta e heon, woope eciyatanhan, woope kin ekta mata ce.

Kolosse 4:6

Ohinniyan iyaapi kin wowaonśida en un, qa miniskuya on skuyeyapi kta, hecen wicaśta otoiyohi token awicaduptapi kte cin sdonyayapi kta.