Markos 12:14 - Dakota Wowapi Wakan Kin

¹⁴ Unkan hena en hipi qehan heciyapi; Waonspekiye, iewicayaka qa tuwedan koyakipe śin sdonunyanpi; wicasta tancan ekta eyatonwe śni ece, tuka awicakehan Wakantanka tacanku kin odaka ece; Kesar wamnayanpi qupi kta iyececa he.

Markos 12:14 ပူးပေါင်းရင်းမြစ်များ

Mattheos 22:16

Qa iye waonspewicakiyapi kin Herodian hena om ekta yewicaśipi qa heyapi; Waonspekiye, iewicayaka sdonunyanpi, qa awicakehan Wakantanka tacanku kin onspeunyakiyapi ece, qa tuwedan koyakipe śni; wicaśta akantu ekta eyatonwe śni nakaeś.

Mattheos 22:17

Heon token idukcan he; unkokiyaka po; Kesar mazaska qupi ece kin he owotanna he.

Markos 12:13

Hehan Pharisee qa Herodian etanhan wanjikji ekta ye wicaśipi; taku eye cin on yuzapi kta.

Markos 12:15

Unqupi kta, qa iś unqupi kte śni he. Tuka iye wohnaye hduhapi sdonye c̣a hewicakiya; Tokeca iyutanmayayapi he. Kaśpapidan wanji makau po, wanmdake kta ce.

Markos 14:45

Unkan en hi qehan, ecahankeya en ye c̣a, Itancan, Itancan, eciye c̣a, i itputaka.

Lukas 20:22

Iho, Kesar wamnayanpi kin unqupi, qa iś unqupi kte śni, unma tukte hecetu he.

Lukas 23:2

Hehan hinnakaha wiyaonpapi, qa heyapi; De oyate kin owicayuśice, c̣a Kesar wamnayanpi qupi kin he teḣinda iyeunyanpi; qa iye Messiya Wicaśtayatapi kin heca keic̣iya ce, eyapi.

Johannes 7:18

Tuwe iye en oie ic̣iye cinhan he iye towitan okide ece; tuka tuwe iś, tuwe uśi kin he towitan okicide kinhan, he iye wowicake, qa wicowicaśtaśni takudan en un śni.

Roma 13:6

Heon etanhan mazaska mnakiyapi kin en oyapapi ece: hena e Wakantanka taokiyepi kin ohinniyan taku kin de econ yukanpi.

II. Korinth 2:17

Wicota Wakantanka oie kin hnayan kuwapi kin hena iyeuncecapi śni; tuka wowicake eciyatanhan, tuka Wakantanka eciyatanhan, qa Wakantanka itokam, Messiya unkoyakapi ece.

II. Korinth 2:2

Miye iyokiśinciyapi kinhan, tuwe iyuśkinmaye kta he; iyokiśinwaye cin hee kta.

II. Korinth 4:1

Heon etanhan wawokiyapi kin de unhapi kin, wowaonśida unkicupi kin heon wacin ibounśakapi śni.

II. Korinth 5:11

Itancan wohitike cin he sdonunyanpi kin, heon wicaśta cin wicunkiyapi; Wakantanka en unkihdaotaninpi, qa nakun widukcanpi kin en unkihdaotaninpi wacanmi.

II. Korinth 5:16

Heon etanhan, detanhan wicaceḣpi eciyatanhan tuwedan sdonunyanpi śni; han, Messiya hee wicaceḣpi eciyatanhan sdonunyanpi eśta, nakaha detanhan sdonunyanpi śni.

Galatia 1:10

Wicaśta qa Wakantanka, unma tukte cinwicawakiya he; qa wicaśta kin iyokipiwicawaya awakita he. Wicaśta kin iyokipiwicawaya unkanś, Messiya wowidagmaye kte śni tuka.

Galatia 2:6

Unkan tona wicaśta wicakinihanpi seca, qa takupi kaśta he etanhan tokeca śni, Wakantanka wicaśta itohnake kin iwanyake śni, hena wicakinihanpi seca, tuka wicoie kin en takudan omakiyapi śni.

I. Thessalonike 2:4

Tuka token wotanin waśte kin unhapi kta e Wakantanka iyokipi kin he iyecen unkiapi ece; wicaśta iyokipiwicayapi kin iyecece śni, tuka Wakantanka cante unkiyukqanpi kin he.