Markos 11:25 - Dakota Wowapi Wakan Kin

²⁵ Unkan cekiya nayajinpi kinhan, tuwe taku on yeksuyapi kinhan kicicajuju po; hecen Ateyayapi maḣpiya ekta yanke cin he wayaḣtanipi kin nicicajujupi kta.

Markos 11:25 ပူးပေါင်းရင်းမြစ်များ

Mattheos 5:23

Heon etanhan wośnapi nitawa owayuśna kin ekta ayahi kinhan, qa hen nisunka taku iyanionpa he yeksuya hecinhan;

Mattheos 6:12

Qa waunḣtanipi kin unkicicajuju po, tona waunkiciḣtanipi wicunkicicajujupi kin he iyececa:

Mattheos 6:5

Qa tohan ceyakiya eca wanaic̣iḣmanpi kin iyenicece kte śni; hena eqe omniciye tipi qa canku oise kin en najin cekiyapi waśtedakapi ece, wicaśta wanwicayakapi kta e heon; awicakehan heciciyapi; Hena wokajuju hduhapi ece.

Lukas 18:11

Unkan Pharisee kin iśnana najin, qa kaken wocekiye eya; Wakantanka, wicaśta tokeca iyemacece śni, wawicakipi sa, oḣan owotanpidan śni, wawiciḣaḣapi econpi sa, qa wamnaye cin dee kaeś iyemacece śni heon wopida eciciya.

Lukas 18:13

Unkan wamnaye cin iś itehanyan inajin, qa iśta ee kaeś wankan maḣpiya kin ekta ikikcu śni; tuka maku kin ohna aic̣ipe, ca heya; Wakantanka onśimakida wo, wawaḣtani sa.

Lukas 6:37

Wayacopi śni po, kinhan niyacopi kte śni: owawicakiyepi śni po, kinhan owaniciyepi kte śni: wicakicicajuju po, kinhan nicicajujupi kta:

Ephesos 4:32

Qa otoiyohi okiciciyapi, qa cantekiciyapi, qa otoiyohi kicicajuju po, Wakantanka Messiya on nicicajujupi kin he iyecen.

Kolosse 3:13

Otoiyohi iyowinyeciciyapi, qa otoiyohi yecicajujupi kta, tuwe wicaśta tokeca on taku śihda kinhan, Messiya kin nicicajujupi kin he iyecen niś econ po.

Jakob 2:13

Tuwe waonśida śni kin he wowaonśida wanin woyaco ecedan qupi kta; qa wowaonśida woyaco kin kapeya iyuśkin ece.

Wayuotanin 11:4

Hena e Oliwe can nonpa qa petijanjan nom, Wakantanka maka yuhe cin itokam he cin hena eepi.