Markos 11:23 - Dakota Wowapi Wakan Kin

²³ Awicakehan heciciyapi; Tuwe paha kin de, Tokan iyaye c̣a miniwanca kin en iyohpaya wo, eciye c̣a, cante kin en ceṭunhda śni, qa taku tona eye cin hena hecetu kta e wicada kinhan; he taku eye cin hena ecen yuhe kta.

Markos 11:23 ပူးပေါင်းရင်းမြစ်များ

Mattheos 14:13

Unkan Jesus he naḣon qehan, hetanhan watom iyaye c̣a, iśnana ḣewoskan makoce wan ekta i. Unkan oyate kin he naḣonpi qehan, otonwe etanhanhan huinyun ihakam yapi.

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Mattheos 21:21

Jesus waayupte c̣a hewicakiya; Awicakehan heciciyapi; Wowacinye duhapi qa waceṭunyahdapi śni kinhan, taku suken can kin de ecakiconpi kin heceedan ecanonpi kte śni, tuka paha kin de, Tokan iyaye c̣a miniwanca kin en iyoḣpeniyanpi nunwe, eyakiyapi kinhan, ecetu kta.

Lukas 17:6

Unkan Itancan kin heya; Sinape sukaza wan iyecen wacinyayapi kinhan, eukamin can kin de, Hute ihdamna qa miniwanca kin en huic̣ihde wo, eyakiyapi kta, kinhan ananigoptanpi kta tuka.

Johannes 14:13

Qa micaje kin on taku yadapi kinhan, ecen ecamon kta; Ateyapi kin Cinhintku kin on yutanpi kta e heon.

Johannes 15:7

Miyeci yaunpi qa mioie kin he nicipi un kinhan, taku tona yacinpi kin hena yadapi kta, unkan ecen ecaniconpi kta.

I. Korinth 13:2

Qa wowiyukcan mduhe c̣a, taku anaḣbeya un kin owasin, wookaḣnige owasin ko, sdonwaye c̣a, wowacinye owasin mduha, on ḣe kin yutokan iyewaye kta owakihi eśta, wacanwakiye śni ehantanhan mataku śni.