Markos 11:14 - Dakota Wowapi Wakan Kin

¹⁴ Unkan Jesus waayupte c̣a heciya; Detanhan tuwedan waskuyeca enitanhan yute kte śni, owihanke wanic̣a. Unkan waonspewicakiye cin he naḣonpi.

Markos 11:14 ပူးပေါင်းရင်းမြစ်များ

Mattheos 21:19

Qa suken can wanji canku ohna han wanyake c̣ehan, he en i, tuka takudan iyeye śni, ape eceedan aicaga; unkan heya; Icimana waskuyeca ainicage śni nunwe. Unkan suken can kin kohanna śnija aya.

Mattheos 21:33

Wiyacinpi wan tokeca naḣon po; Wicaśta wan tipi yuhe cin he hastanhanka iyuwi ojupi wan oju, qa ihdukśan natake c̣a ohna iyuśkice wan qe c̣a nakun cowahe wan en kaga; qa wicaśta kicanyanpi kta owicaqu, hehan icimani iyaya.

Mattheos 21:44

Unkan tuwe inyan kin de ahinḣpaye cinhan kamden eḣpeyapi kta; qa tuwe he akan iḣpaye cinhan tanyan kamdu kta.

Mattheos 3:10

Unkan wanna onspe kin can hute kin en ehnakapi; heon etanhan can otoiyohi waskuyeca waśte aicage śni kin he kawankapi qa petan eḣpeyapi ece.

Mattheos 7:19

Can otoiyohi waskuyeca waśte aicage śni kin he kawankapi qa petan eḣpeyapi ece.

Markos 11:13

Qa itehan suken can wan ape yuke cin he wanyaka, he en hi, okinni en waskuyeca iyeye kta; tuka en hi qehan takudan iyeye śni, ape ecedan; suken icage kta hinaḣinke śni.

Markos 11:15

Hehan Jerusalem en hipi; unkan Jesus tipi wakan kin en i, qa tona tipi wakan kin ohna wiyopeyapi qa wopetonpi kin hena tankan iyewicaya, qa mazaska tokiyopeyapi ahna econpi kin ahdapśinyan eḣpeya, qa wakiyedan iyopeyapi can akan iyotankapi hena koya:

Johannes 15:6

Tuwe mici un śni kinhan adetka iyecen tankan eḣpeyapi, hecen śnija aya; unkan hena wicaśta pahipi qa petan eḣpeyapi, hecen ḣuḣnaga, ece.

II. Inyan 2:20

Itancan qa Wanikiya Jesus Messiya sdonyapi kin eciyatanhan, wicoicage kin de en woaśape kin nakipapi eśta, ake hena on iyakapeyapi qa en ihdaśkapi kinhan, hena otokahe ekta waśte qa owihankepi kin he śica ece.

Wayuotanin 22:11

Tuwe owotanna śni kin ohinniyan owotanna kte śni, qa tuwe aśape cin he ohinniyan aśapa un nunwe; qa tuwe owotanna kin he ohinniyan owotanna kta, qa tuwe ecedan kin he ohinniyan ecedan un nunwe.