Markos 10:52 - Dakota Wowapi Wakan Kin

⁵² Unkan Jesus heciya; Hda wo, wacinyaye cin he asniniyan ce. Unkan hecehnana tonwe c̣a canku ohna Jesus ihakam ya.

Markos 10:52 ပူးပေါင်းရင်းမြစ်များ

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 12:22

Hehan wanji wakan śica yuhnaśkinyan he en ahipi, iśtagonge c̣a ia okitpani; unkan asniyan, hecen iśtagonge c̣a ia okitpani kin he ia qa nakun tonwan.

Mattheos 15:28

Hehan Jesus ayupte c̣a heciya; Winoḣinca, wacinyaye cin he tanka; token yacin kin he enicicetu nunwe. Unkan wihiyayedan oape kin he hetanhan cunwintku kin asni.

Mattheos 21:14

Hehan iśtagongapi huśtepi ko tipi wakan kin en hipi; unkan okiziwicaya.

Mattheos 8:3

Unkan Jesus nape ekta yekie c̣a yutan, qa heciya; Wacin; hecen asni wo. Unkan ecehnana wowayazan kin ayuśtan.

Mattheos 9:22

Tuka Jesus ihdamna, qa wanyake c̣ehan heya; Cunś, cante waśte wo; wacinyaye cin he asniniyan ce. Unkan wihiyayedan oape kin he en winoḣinca kin asni.

Markos 1:31

Hehan en hi, qa napata yuze c̣a najinkiya; unkan ecahankeya tancan kata ayuśtan, qa hehan owicakiya.

Markos 5:34

Unkan heciya; Cunś, wacinyaye cin he asniniyan; wookiye hda wo, qa waniyazan qon okizi un wo.

Markos 8:25

Hehan ake nape kin iśta akan ehnaka, qa ake wankan etonwekiya; unkan hehan yuecetupi, qa taku owasin tanyan wanyaka.

Lukas 7:50

Unkan winoḣinca qon heciya; Wacinyaye cin he niniyan ce; wookiye on hda wo.

Lukas 9:48

Qa hewicakiya; Tuwe kaśta hokśiyopa kin de micaje on eyaku kinhan, he miye e emayaku; qa tuwe kaśta miye emayaku kinhan, he umaśi kin hee eyaku ece; hecen niyepi owaśin wanji tukte nicistinpidan kinhan, hee tanka kta ce, eya.

Johannes 9:32

Otokaheya tanhan tuwe wicaśta tonwe śni tonpi iśta kiyukawa oyakapi kin tuwedan naḣon śni ce.

Johannes 9:39

Unkan Jesus heya; Oyate kin de ekta wicawahi, wicaśta tone tonwe śni kin hena tonwanpi kta, qa tona tonwe cin hena iśtagongapi kta, he woyaco kin hduha wani ce.

Olianyanpi kin 26:18

Iśta wicadumdaye c̣a, otpaza etanhan iyoyanpa ekta, qa Satan towaśake kin etanhan Wakantanka ekta wicaduhomni kta; qa hecen wacinmayanpi kin on waḣtanipi wicakicicajujupi kin, qa tona ska wicakagapi kin hena om woyuha yuhapi kta ce.