Markos 10:47 - Dakota Wowapi Wakan Kin

⁴⁷ Unkan he Jesus Nazareth etanhan hee naḣon qehan, hotanin qa heya; Jesus, Dawid Cinhintku, onśimakida wo.

Markos 10:47 ပူးပေါင်းရင်းမြစ်များ

Mattheos 1:1

Jesus Messiya, Dawid cinhintku, Abraham cinhintku, oicage wowapi kin he dee.

Mattheos 12:23

Unkan wicaśta ota kin owasin yuśinyayapi qa heyapi; Dawid cinhintku kin he dee śni he.

Mattheos 15:22

Unkan iho, Kanan winoḣinca wan makoce kin hetanhan hiyu, qa hoyekiye qa heya; Itancan, Dawid Cinhintku, onśimada ye, micunkśi wakan śica yuhnaśkinyan, śicaya un.

Mattheos 2:23

Qa otonwe wan Nazareth eciyapi kin he en hi qa hen yanka; hecen, Nazareth wicaśta eciyapi kta ce, wicaśta wokcan eye ciqon he yuecetupi.

Mattheos 20:30

Unkan iho, wicaśta iśtagonga nonpa canku icahda iyotankapi, Jesus en hiyaya naḣonpi, hehan howayapi qa heyapi; Itancan, Dawid Cinhintku onśiunkida miye.

Mattheos 21:11

Unkan wicota kin heyapi; Jesus wicaśta wokcan Galile en Nazareth otonwe kin etanhan he dee.

Mattheos 21:9

Qa wicota tokata yapi, qa tona ihakam upi kin, howayapi qa heyapi; Dawid Cinhintku woohiye yuha nunwe. Tuwe Itancan Caje on u kin yawaśtepi nunwe: Maḣpiya ekta woohiye yuha nunwe.

Mattheos 26:71

Unkan ohanzi hdepi kin ekta tankan iyaya, hehan wanji tokeca wanyake c̣a tona en unpi kin hewicakiya; De nakun Jesus Nazareth etanhan kin he kici un qon.

Mattheos 9:27

Unkan Jesus hetanhan iyoopte iyaya, hehan wicaśta nom iśtagongapi kin hena ihakam yapi, howayapi qa heyapi; Dawid Cinhintku onśiunkida miye.

Markos 1:24

Qa heya; Unkayuśtan po; Jesus Nazareth etanhan, taku ecaunniconpi he; ihangunyayapi kta yahi he; nituwe kin sdonwaya, Taku Wakan Wanji Wakantanka tawa kin he niye.

Lukas 4:16

Unkan Nazareth en icaḣyapi qon he ekta hdi; qa econ ece kin he iyecen, anpetu wakan icunhan, omniciye tipi kin en tin iyaye c̣a, wowapi yawa kta inajin.

Johannes 1:46

Unkan Nathanael heciya; Nazareth etanhan taku waśte u okihi kta he. U qa wanyaka wo, Philip eciya.

Johannes 19:19

Unkan Pilate wowapi wan kage c̣a, can susbeca inkpa kin en ehnaka; JESUS NAZARETH ETANHAN, JUDA OYATE WICAŚTAYATAPI KIN.

Johannes 7:41

Toktokeca iś, Messiya kin he dee ce, eyapi. Tuka apa iś, Messiya Galile etanhan u kta he, eyapi.

Johannes 7:52

Unkan ayuptapi qa heciyapi; Niś Galile henitanhan he: Wawiwange c̣a wanyaka wo; wicaśta wokcan tuwedan Galile etanhan u śni ce.

Olianyanpi kin 6:14

Jesus Nazareth etanhan qon he tipi kin de ihangye c̣a, wicoḣan Moses unqupi qon hena yutokeca kta ce, eya naunḣonpi ce.

Wayuotanin 22:16

Jesus he miye ce, okodakiciye kin ekta niyepi kin en hena oniciyakapi kta e heon ohnihde mitawa kin u waśi. Dawid can hutkan adetka ko he miye, qa anpao wicanḣpi nina iyege cin.