Markos 10:39 - Dakota Wowapi Wakan Kin

³⁹ Unkan, Unkokihipi ce, eciyapi. Unkan Jesus hewicakiya; Awicakehan wiyatke etanhan mdatke cin niś etanhan datkanpi kta; qa baptem maqupi kin he iś nakun nic̣upi kta;

Markos 10:39 ပူးပေါင်းရင်းမြစ်များ

Mattheos 10:25

Tuka waonspekiyapi kin waonspekiya tawa kin iyececa, qa wowidake un kin yuhe cin iyececa hecinhan hecetu kta. Tipi tawa kin he Beelzebub eciyapi hecinhan, tiyohnake tawa kin iś nakun hewicakiyapi kte śni he.

Mattheos 3:6

Unkan Jordan en baptem wicaqu, woaḣtani ohdakapi.

Markos 14:31

Hehan iyotan nina kitan ḣinca; Oicimaṭa eśta anaciciḣbe kte śni, Iyuḣpa nakun iyecen eyapi.

Markos 14:36

Unkan heya; Abba, Ate, niye ekta taku owasin okihipica; wiyatke kin de emiciyaku wo; tuka miś taku wacin kin hee kte śni, taku yacin kin he hecetu kta.

Johannes 13:37

Unkan Inyan heciya; Itancan, tokeca nakaha cihakam waun kta owakihi śni he; niye on wiconi mduhe cin eḣpewaye kta, eya.

Johannes 15:20

Wicoie wan eciciyapi qon he yeksuyapi; Ookiye yapi un kin he Itancan yuhe cin kakipe c̣a iyotan tanka śni. Śicaya makuwapi hecinhan, niś oyate kin śicaya nicuwapi kta; qa mioie yuhapi hecinhan, niś nioie kin niciyuhapi kta.

Johannes 17:14

Nioie wicawaqu, qa oyate kin śice wicadapika, oyate kin hetanhanpi śni heon etanhan hececa, oyate dematanhan śni he iyecen.

Olianyanpi kin 12:2

Qa Jakob Johannes cincu qon he mazasagye on kte.

Kolosse 1:24

Nakaha niyepi kin on etanhan makakije cin neon imduśkin, qa Messiya wokakije tawa, taku miceḣpi kin en yuśtanpi śni kin hena iye tancan kin, okodakiciye kin hee, on weciyuśtan kta.

Wayuotanin 1:9

Johannes hunkawanjinyayapi, wokakije, qa wokiconze, wowaḣbadan ko, Jesus Messiya tawa kin en, tawaśi yayapi kin he miye; Wakantanka oie qa Jesus Messiya wohdake cin on etanhan, wita wan, Patmos eciyapi, hen waun.