Markos 10:32 - Dakota Wowapi Wakan Kin

³² Hehan canku ohna Jerusalem ekta yapi; unkan Jesus wicitokam ya; qa iyepi qeś ihakam upi, inihanpi qa kopehdapi. Unkan akeś akenonpapi kin iwicacu, qa taku akipe kte cin hena kohan owicakiyaka:

Markos 10:32 ပူးပေါင်းရင်းမြစ်များ

Mattheos 11:25

Anpetu kin hena en Jesus waayupte c̣a heya; Ate, maḣpiya maka ko Itancan kin, ciyatan, dena taku kin tona ksapapi qa wasdonyapi kin anawicayakiḣbe c̣a hokśiyoqopapi owicayakidaka ece.

Mattheos 13:11

Unkan iye awicayupte c̣a heya; Maḣpiya wokiconze woanaḣbe kin niye oyakaḣnigapi kta nic̣upi, tuka hena hecen wicaqupi śni, heon etanhan.

Markos 1:27

Unkan owasin inihanpi qa heya ikiciwangapi; De taku he; de woonspe teca kin tukte e he; woniya śice cin itancanyan owawicakiya, unkan anagoptanpi ece.

Markos 4:34

Qa wiyacinpi codan takudan owicakiyake śni. Unkan iśnana yukanpi, hehan taku owasin waonspewicakiye cin hdaheya owicakiyaka ece.

Lukas 10:23

Unkan waonspewicakiye cin ekta ihduhomni, qa naḣmana heya; Taku wandakapi kin hena wiciśta tona wanyakapi kin hena yawaśtepi ece.

Lukas 19:28

unkan hena hecen eye c̣ehan, tokata ye c̣a Jerusalem ekta itawankanhde iyaya.

Lukas 9:51

Unkan anpetu en wankan eyakupi kte cin wanna kiyedan aya, hehan Jerusalem ekta ye kta e ite kin hdusuta;

Johannes 11:16

Hehan Thomas Didumos eciyapi kin he waonspewicakiye unmapi kin hewicakiya; Ekta unyanpi, qa kiei unṭapi kta ce.

Johannes 11:8

Unkan waonspewicakiye cin heciyapi; Itancan, nahanḣin aśkatudan Juda oyate kin inyan on nicininpi akitapi, qa ake ekta hde wacanni he.