Markos 10:30 - Dakota Wowapi Wakan Kin

³⁰ Nakaha wiconi kin de en opawinge akihde icu kta; tipi, qa hunkawanjitkupi, qa tawinoḣtin, qa hunkupi, qa cincapi, qa makoce ko, wośitkihdapi iyahna; qa wiconi u kte cin he en wiconi owihanke wanica yuhe kta.

Markos 10:30 ပူးပေါင်းရင်းမြစ်များ

Mattheos 12:32

Qa tuwe Wicaśta Cinhintku kin taku śica eciye cinhan, he kicicajujupi kta; tuka tuwe Woniya Wakan kin taku śica eciye cinhan, he kicicajujupi kte śni, wiconi kin de en, qa nakun wiconi u kte cin en.

Mattheos 13:8

Tuka apa maka waśte en iḣpaya qa etanhan ota icagaapa opawinge, apa wikcemna śakpe, apa wikcemna yamni.

Mattheos 6:33

Tuka Wakantanka tokiconze kin he tokaheya akita po, qa toowotanna nakun; kinhan dena taku owasin koya nic̣upi kta.

Lukas 18:30

Hee dehan nakaha taku sanpa ota yuhe kta, qa wiconi u kte cin he en wiconi owihanke wanica yuhe kta ce.

Johannes 10:23

Unkan icunhan tipi wakan ohna, Solomon ohanzi hdepi, tawa qon he en Jesus omani.

Olianyanpi kin 14:22

Qa waonspewicakiyapi nagipi kin waśag wicakiyapi, qa wacinyanpi kin en kitanyan unpi kta e iwahokonwicakiyapi, qa wokakije ota iyoopteya Wakantanka tokiconze kin en unkipi kta ce.

Olianyanpi kin 16:25

Unkan hanye cokaya hehan, Palos Silas kici Wakantanka cekiyapi, qa yatan dowanpi; unkan wicaśta wicakaśkapi kin he naḣonpi.

Olianyanpi kin 5:41

Unkan iye omniciye kin etanhan hdapi, qa Jesus caje kin on wowiśtece en awicaupi iyececa wicayawapi kin heon wiyuśkinpi.

Roma 5:3

Qa hecedaii śni, nakun wokakije on unkiyuśkinpi ece; wokakije kin he wacin tankapi kaga e sdonunyanpi;

Roma 6:23

Woaḣtani wokajuju kin he wiconṭe ee; tuka Wakantanka taku ituwicakiḣan kin he, Jesus Messiya Itancan unkiyapi kin eciyatanhan, owiḣanke wanin wiconi kin hee.

II. Korinth 6:10

Iyokiśicapi iyeuncecapi, tuka ohmniyan wiunyuśkinpi; waḣpanicapi kin iyeuncecapi, tuka wicota watonka wicunkagapi; takudan yuhapi śni kin iyeuncecapi, tuka taku owasin untonpi.

Philippi 3:8

Han, awicakehan taku owasin taku śni wadake, Jesus Messiya Itancan mitawa kin wosdonye oiyokipi kin on, iye on taku owasin toki eḣpewaya, qa hena tacesdi ece mdawa, Messiya iyowahi kte cin heon;

II. Thessalonike 2:16

Qa Jesus Messiya Itancan unkiyapi kin hee, qa Wakantanka Ateunyanpi kin iye waśte undakapi, qa wicimdeza owihanke wanice cin wowaonśida eciyatanhan woape waśte ko unqupi kin,

I. Timotheos 4:8

Wicatancan yeic̣iyapi kin he taku cistinna okihi; tuka Wakantanka awacinpi kin he taku owasin okihi, wiconi kin de, qa wanji u kte cin iwahoyapi kin en un.

I. Timotheos 6:6

Wakantanka ohodapi kin woiyokipi kici he woyuha tanka.

Jakob 1:12

Wicaśta iyutanyanpi kin he yawaśtepi ece; tohan tanyan yukcanpi kinhan, hehan wiconi wateśdake, Itancan kin tona waśtedakapi iwahowicaye ciqon, hee icu kta.

Jakob 5:11

Wanyaka po, tona wacintankaya unpi kin hena waśte kecanwicunkinpi ece. Job token wacintanka qon he nayaḣonpi, qa Itancan owihankeye cin he wandakapi; Itancan kin waonśida qa wawacinkta yuza tanka.

I. Johannes 2:25

Unkan wahoyapi qon taku iwahounyanpi kin, owihanke wanin wiconi kin hee.

I. Johannes 3:1

Wanyaka po, Ateyapi kin wocantekiye hinsko tanka unqupi kin, Wakantanka cinca unkekiciyapi kta: heon etanhan wicoicage kin sdonunyanpi śni, iye kin sdonyapi śni qon iyececa.

Wayuotanin 2:9

Nioḣan kin sdonwaya, wokakije wowaḣpanica ko nitawa kin, (tuka winijica;) qa tona Juda wicaśta keic̣iyapi qa hecapi śni, tuka Satan omniciye tawa kin etanhanpi, hena waaiapi kin nakun sdonwaya.

Wayuotanin 3:18

Kaken wahokonciciya ce, mazaskazi peta on yuecedan kagapi kin he opemicaton wo, winijica kta ce; qa wokoyake ska, kodake kta e heon, hecen tanconikadan on winiśtece cin he tanin kte śni; qa wiciśta wihdi kin, niiśta iyakiun kta, hecen wawandake kta.