Markos 10:23 - Dakota Wowapi Wakan Kin

²³ Unkan Jesus ihdukśan etonwe c̣a waonspewicakiye cin hewicakiya; Tona watonpike cin hena Wakantanka tokiconze kin en yapi kte cin he teḣika ce.

Markos 10:23 ပူးပေါင်းရင်းမြစ်များ

Mattheos 18:3

Qa heya; Awicakehan heciciyapi; Nihduhomnipi śni, qa hokśiyoqopa iyenicecapi śni kinhan, maḣpiya wokiconze kin en yaipi kte śni.

Markos 10:15

Awicakehan heciciyapi; Tuwe Wakantanka tokiconze kin hokśiyoqopa iyecen icu śni kinhan he mahen ye kte śni.

Markos 10:22

Unkan oie kin he on iyokiśica, qa cante śica hda; taku ota yuha nakaeś.

Markos 3:5

Unkan icanksiya awicatonwan, cante teḣipike cin on iyokiśica, hehan wicaśta kin heciya; Nape hdukatin wo. Unkan hduowotanna; hecen nape kin ocowasin yuecetupi, unma kin iyececa.

Markos 5:32

Unkan tuwe hecon kin he wanyake kta e ohomni awica tonwan.

Lukas 18:24

Unkan nina wacin iyokiśice cin he Jesus wanyake c̣ehan, heya; Wowijice tonpi kin hena Wakantanka tokiconze kin en yapi kte cin he teḣike ḣinca.

Johannes 3:5

Unkan Jesus ayupte; Wowicake, wowicake eciyatanhan heciciya, Wicaśta kin mini qa Woniya kin on tonpi śni kinhan Wakantanka tokiconze kin en tin iyaya okihi kte śni ce, eya.

I. Korinth 1:26

Mihunkawanji, nicopi kin he wandakapi, wicaceḣpi eciyatanhan wacin ksapa ota śni, waśaka ota śni, qa wicaśta okinihan ota śni.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

Jakob 4:4

Wiinayaḣmanpi qa wawiciḣaḣapi ecanonpi kin, wicoicage kin de waśtedapi kin he Wakantanka śicedaka e sdonyayapi śni he. Heon tuwe wicoicage kin de wotakuye wacin kinhan, he Wakantanka tokaya.

II. Inyan 1:11

Qa nakun heon Jesus Messiya Itancan qa Wanikiya unkitawapi tokiconze owihanke wanice cin en yaipi kte cin wijinya nic̣upi kta.