Markos 10:22 - Dakota Wowapi Wakan Kin

²² Unkan oie kin he on iyokiśica, qa cante śica hda; taku ota yuha nakaeś.

Markos 10:22 ပူးပေါင်းရင်းမြစ်များ

Mattheos 13:22

Unkan wapepeka ehna ojuipi icu qon, tuwe wicoie kin naḣon kin hee; tuka wiconi kin de awacinpi qa woyuha ota wohnaye kin hena wicoie kin kte ece, hecen waskuyeca takudan aicage śni.

Mattheos 19:22

Tuka kośka kin he wicoie kin de naḣon qehan iyokśica kihda; taku ota ton kin heon etanhan.

Mattheos 27:3

Unkan Judas wiyopeye cin he wanna yacopi wanyaka, hehan iyopeic̣iye c̣a, mazaska wikcemna yamni kin, wośnapi kagapi wicaḣincapi ko ake wcakahi;

Markos 10:21

Hehan Jesua atonwe c̣ehan waśtekidake c̣a heciya; Taku wanji ninica; hde c̣a taku duhe cin wiyopeya, qa waḣpanicapi kin wicaqu wo, kinhan maḣpiya ekta wowijice duhe kta; hehan ku, can susbeca kic̣in, qa mihakam u wo.

Markos 10:23

Unkan Jesus ihdukśan etonwe c̣a waonspewicakiye cin hewicakiya; Tona watonpike cin hena Wakantanka tokiconze kin en yapi kte cin he teḣika ce.

Markos 6:20

Herod Johannes kokipa, wicaśta owotanna qa waśte sdonya, heon itonpa; qa oie naḣon eca taku ota ecen econ, qa iyuśkinyan naḣon ece.

Markos 6:26

Unkan wicaśtayatapi kin nina iyokiśica, tuka taku wakan cajeyan heye cin heon, qa tona om wota iyotanke cin hena on, he ipida kta tawaṭenye śni.

Lukas 12:15

Unkan hewicakiya; Iwanihdaka po, qa wakonpi kin kokipa po; wicaśta nipi kin he taku iyakic̣uya tonpi kin he en un śni ece.

Lukas 18:23

Unkan he naḣon qehan nina iyokiśica; wijice ḣinca nakaeś.

II. Korinth 7:10

Wakantanka eciyatanhan iyowicakiśice cin he ihduecetupi on wiconi kta, on tohinni iyopeic̣iyapi śni kin he kaga; tuka wicoic̣age kin de en iyowicakiśice cin he wiconṭe icaḣya.

Ephesos 5:5

He de sdonyayapi, tuwe wawiciḣaḣapi econ, qa tuwe waaśape cin, qa tuwe waicucukte cin, he wakagapi cekiya ece, hena wanjidan eśta Messiya qa Wakantanka kici tokiconze kin en takudan tawapi kte śni.

II. Timotheos 4:10

Demas he amayuśtan, wiconi kin de waśtedake c̣a Thessalonike ekta kihda, Kreskes Galatia ekta, qa Titos Dalmatia ekta.