Markos 10:21 - Dakota Wowapi Wakan Kin

²¹ Hehan Jesua atonwe c̣ehan waśtekidake c̣a heciya; Taku wanji ninica; hde c̣a taku duhe cin wiyopeya, qa waḣpanicapi kin wicaqu wo, kinhan maḣpiya ekta wowijice duhe kta; hehan ku, can susbeca kic̣in, qa mihakam u wo.

Markos 10:21 ပူးပေါင်းရင်းမြစ်များ

Mattheos 16:24

Hehan Jesus waonspewicakiye cin hewicakiya; Tuwe miyahna u kta cin kinhan, waipiic̣ida kta, qa cansusbeca ehdaku qa mihakam un kta.

Mattheos 19:21

Jesus heciya; Owotanna yaun kta yacin kinhan, hde c̣a taku nitawa wiyopeye c̣a waḣpanicapi kin wicaqu wo; kinhan maḣpiya ekta woyuha duhe kta; hehan ku qa mihakam un wo.

Markos 10:22

Unkan oie kin he on iyokiśica, qa cante śica hda; taku ota yuha nakaeś.

Markos 8:34

Unkan oyate kin waonspewicakiye cin om wicakico qehan, hewicakiya; Tuwe kaśta omape kta hecinhan, waipiic̣ida kta, qa cansusbeca kic̣in kta, qa mihakam u kta.

Lukas 10:42

Tuka taku wanjidan cinpic̣a; unkan Mary taku waśte kin he kaḣniga, he icimana kipi kte śni ce.

Lukas 12:33

Taku yatonpi kin wiyopekiya po, qa wicaqu po. Wojuha kukaka aye kte śni, maḣpiya ekta woyuha owihanke kte śni hena ic̣icaga po; heciya wamanon sa kiyedan u śni, qa wamduśkadan wayapote śni ece.

Lukas 16:9

Unkan miś heciciyapi; Woyuha owotanna śni kin on tawaśitku icicaga po; hecen tohan niye onic̣ihipi śni kinhan, iye tipi owihśnke kte śni en tin hiyuniciyapi kta ce.

Lukas 18:22

Unkan Jesus hena naḣon qehan heciya; Nahanḣin taku wanji iyotpani yaun; taku yaton kin owasin wiyopekiye c̣a waḣpanicapi kin wicakipamni wo, kinhan maḣpiya ekta woyuha duhe kta ce; hehan u qa mihakam un wo.

Lukas 19:41

Unkan wanna ikiyedan u, qa otonwe wanyake c̣ehan, aceye, c̣a heya;

Lukas 9:23

Unkan owasin hewicakiya; Tuwe miyahna u wacin kinhan, waipiic̣ida, qa anpetu otoiyohi cansusbeca kin kic̣in, qa miyahna u kta.

Johannes 12:26

Tuwe omakiye kta cin kinhan mihakam un kta; qa tukten waun hecinhan mitaokiye kin is nakun hen un kta; nakun tuwe omakiye kta hecinhan, Ate wicaśta kin he yuonihan kta.

Johannes 16:33

Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.

Olianyanpi kin 2:45

Qa tona maga qa woyuha yuhapi kin hena e wiyopekiyapi, qa otoiyohi cinpi kin iyecen owasin wicakipamnipi.

II. Korinth 12:15

Ninagipi kin on ḣtawani, qa mihdusote kte cin he iyomakipi; tuka iyotan canteciciyapi eśta, aoptetuya waśtemadakapi ece.

II. Timotheos 3:12

Qa tona Jesus Messiya en owotanna oḣanyan cinpi kin hena owasin śicaya wacakuwapi kta.

Hebrew 10:34

Miye makaśkapi kin icunhan onśimayakidapi, qa woyuha duhapi qon nicipi kin he on widuśkinpi, maḣpiya ekta woyuha iyotan waśte ohinniyan ye kte cin he duhapi sdonyakiyapi kin heon etanhan.

Jakob 2:10

Tuwe woahope owasin yuha eśta, wanjidan kicakse cinhan, he ocowasin on yacopi.

Wayuotanin 2:14

Tuka taku wanjikjidan iyacionpa; Balaam hee Balak Israel cinca kin taku on waḣtani ic̣iyapi kte cin wicitokam ehde kin he onapekiye c̣a, taku wakagapi wakiyuśnapi kin yutapi, qa wiinaḣmanpi econpi kta, he tawoonspe tona yuhapi kin hena wicaduha;

Wayuotanin 2:20

Tuka taku tonana iyacionpa, winoḣinca wan Jezebel eciyapi, winoḣinca wokcanka keic̣iye cin he mitaokiye kin wicahnaye c̣a, wiinaḣmanpi econpi, qa taku wakagapi wakiyuśnapi kin yutapi kta e onspe wicakiye cin hee iyowinyakiya.

Wayuotanin 2:4

Tuka taku cistinna iyacionpa, tokaheya waśteyadake cin he aduśtan.