Markos 10:14 - Dakota Wowapi Wakan Kin

¹⁴ Tuka Jesus he wanyaka, hehan nina iyokiśice c̣a hewicakiya; Hokśiyoqopapi en maupi kta iyowinwicakiya po, qa teḣindapi śni po; tona dececapi kin Wakantanka tokiconze kin eepi ce.

Markos 10:14 ပူးပေါင်းရင်းမြစ်များ

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 18:4

Tuwe ihduhukuye c̣a hokśiyoqopa kin de iyecen canteyuze cinhan, maḣpiya wokiconze kin en iyotan tanka kin hee.

Mattheos 19:14

Tuka Jesus heya; Hokśiyoqopa en mahipi kta iyowinwicakiya po, qa teḣindapi śni po; maḣpiya wokiconze kin he hetanhanpi ece.

Mattheos 5:10

Tona woowotanna econpi kin on śicaya kuwapi kin hena wicayawaśtepi; maḣpiya wokiconze kin he tawapi ece.

Mattheos 5:3

Tona cante mahen onśiic̣idapi kin hena wicayawaśtepi ce; maḣpiya wokiconze kin he tawapi ece.

Markos 3:5

Unkan icanksiya awicatonwan, cante teḣipike cin on iyokiśica, hehan wicaśta kin heciya; Nape hdukatin wo. Unkan hduowotanna; hecen nape kin ocowasin yuecetupi, unma kin iyececa.

Markos 8:33

Tuka ihduhomni qa waonspewicakiye cin awicatonwan, hehan Inyan iyopeye c̣a heya; Satan miḣeyata ya wo; taku Wakantanka tawa kin awacanni śni, tuka wicaśta akantu taku tawa kin.

Johannes 3:3

Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Johannes 3:5

Unkan Jesus ayupte; Wowicake, wowicake eciyatanhan heciciya, Wicaśta kin mini qa Woniya kin on tonpi śni kinhan Wakantanka tokiconze kin en tin iyaya okihi kte śni ce, eya.

Olianyanpi kin 2:39

Wahoyapi kin de niye nitawapi, qa nicincapi, qa tona itehanyan yukanpi kin owasin, tona Itancan unkita Wakantankapi kin wicakico kte cin hena tawapi ce, eya.

Olianyanpi kin 3:25

Wicaśta wokcan cincapi kin he niyepi, qa wicoun Wakantanka hunkake wicunyanpi wicakicage ciqon, he qe Abraham heciya; Unkan nicinca kin on etanhan wicowazi maka akan un kin owasin yawaśtepi kta ce.

Roma 11:16

Taku tokaheya suton kin he wakan kinhan, ocowasin hecece kta; qa can huta kin he wakan kinhan, can adetka kin hena nakun hecece kta.

Roma 11:28

Wotanin waśte kin ekta, hena niyepi kin on etanhan toka wicayawapi, tuka wicakaḣnigapi kin ekta, hena e hunkakepi kin on etanhan waśte wicakidapi.

I. Korinth 14:20

Mihunkawanji, wookahnige en hokśiyoqopa unpi śni po; tuka wicotawacin śice cin en hokśiyoqopa po, qa wookaḣnige kin en wicaśta tanka un po.

I. Korinth 7:14

Wicaśta wicada śni kin he iye tawicu kin on yuwakanpi, qa winoḣinca wicada śni un kin he nakun iye hihnaku on yuwakan kagapi. Hecece śni unkanś nieincapi kin aśapapi kta, tuka nakaha hena e wakan.

Ephesos 4:26

Śinyahdapi eśta, waḣtanipi śni po. Canniniyanpi ecen wi iyaye śni nunwe.

II. Timotheos 1:5

Tohan wowacinye anaḣbepica śni niye en niun kin he weksuye cinhan, he tokaheya nikunśi Lowis en un, qa nakun nihun Yunike en un, qa he niye en niun kin sdonwaya.

II. Timotheos 3:15

Qa honikśiyoqopa kin ehantanhan Wowapi wakan sdonyaya, he niniyan on ksamniye kta okihi, Jesus Messiya wacinyanpi kin ecijatanhan.

I. Inyan 2:2

Qa hokśiyoqopa nakaha tonpi kin iyecen, wicoie asanpi wohnaye wanin un kin he cin po, hecen on inicagapi kta:

Wayuotanin 14:5

Qa hena ipi kin en wohnaye takudan iyeyapi śni; qa Wakantanka oiyotanke kin itokam takudan iyaonpepica śni unpi.