Markos 1:45 - Dakota Wowapi Wakan Kin

⁴⁵ Tuka tankan hde c̣a, nina ohdake c̣a, owancaya yaotanin, hecen hetanhan Jesus otonwe kin en taninyan ye kta okihi śni, tuka tankan ḣewotahedan un ece: unkan owancaya tanhan yanke cin en hipi ece.

Markos 1:45 ပူးပေါင်းရင်းမြစ်များ

Mattheos 28:15

Hecen mazaska kin icupi, qa token onspewicakiyapi kin iyecen econpi; heon wicoie kin he Juda oyate kin en oyakapi ece, anpetu kin dehanyan.

Mattheos 9:26

Unkan he makoce kin owancaya oyakapi.

Mattheos 9:31

Tuka tankan hdapi hehan makoce kin he owancaya nina oyakapi.

Markos 2:13

Hehan ake tankan mde kahda iyaya; unkan wicota en mniciyapi; unkan waonspewicakiya.

Markos 3:20

Hehan ake wicota en mniciyapi, hecen aguyapi yuta okihipi śni.

Markos 3:7

Tuka Jesus mde kin ekta hdicu, waonspewicakiye cin om; qa Galile etanhan qa Juda makoce kin etanhan wicota ḣinca ihakam yapi.

Markos 7:36

Hehan he tuwedan okiyake śni wicaśi; tuka taku ewicakiye cin on etanhan sanpa nina oyakapi ece.

Johannes 6:2

Unkan oyate ota ihakam yapi, wicaśta wayazanpika en wapetogya oḣanyan wanyakapi qon heon etanhan.

Titos 1:10

Wicaśta wicaśtapi śni, qa witkoya iapi, qa wicahnayanpi kin heca ota, tona bakiḣdayapi etanhanpi kin hena iyotanpi.