Markos 1:41 - Dakota Wowapi Wakan Kin

⁴¹ Unkan Jesus onśikida, nape ekta yekiye c̣a, yutan qa heciya; Wacin, ska un wo.

Markos 1:41 ပူးပေါင်းရင်းမြစ်များ

Mattheos 9:36

Tuka wicota wanwicayaka hehan onśiwicakida; nina mdokiṭapi qa enanakiya iyayapi ece, taḣinca wanunyanpi tuwedan wicayuhe śni iyececa.

Markos 1:40

Unkan wicaśta wan lepros ececa, he en hi, qa cekiya, canpeśka makehde inajin qa heciya; Yacin kinhan ska mayakage kta oyakihi.

Markos 1:42

Unkan heye cin hecehnana, lepros ececa qon he ayuśtan, qa ska icaga.

Markos 4:39

Unkan iyotanka, tate kin kiśice c̣a mde kin heciya; Owanji yanka wo. Unkan tateyanpa ayuśtan qa amdakedan tanka.

Markos 5:41

Qa wicinyanna kin nape yuze c̣a heciya; Talitha kumi, Wicinyanna najin wo, eciciya, eyapi kin he kapi.

Markos 6:34

Unkan Jesus ekta ihunni, hehan wicota wanwicayaka, qa onśiwicakida, taḣinca wanunyanpi tuwedan wicayuhe śni kin iyececapi heon, qa hecen taku ota onspewicakiya.

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

Hebrew 2:17

Heon etanhan taku owasin en, iye hunawanjinwicaye cin iyecen ikicage kte cin he hecetu; hecen taku Wakantanka tawa kin en, Wawayuśna Itancan waonśida, qa wicake kta, qa oyate waḣtanipi kin on wookiye wicakicage kta.

Hebrew 4:15

Wawajuśna itancan kin, unkiye unkakijapi kin en unkicanptapikta okihi śni kin heca unhapi śni, tuka iye taku owasin on iyutanyanpi, unkiye iyeuncecapi, tuka woaḣtani codan un.