Markos 1:32 - Dakota Wowapi Wakan Kin

³² Wanna ḣtayetu, wi iyaya hehan, wayazankapi kin owasin yanke cin en awicahipi, tona wakanśica wicayuhnaśkinyan hena koya.

Markos 1:32 ပူးပေါင်းရင်းမြစ်များ

Mattheos 4:24

Unkan oḣan kin Suriya owancaya oyakapi; hecen tona śicaya yukanpi, qa tona wowayazan ocaje owasin on wayazanpi, qa teḣiya unpi, qa tona taku wakan śica yuhapi, qa ṭaṭapike cin hena koya owasin en awicahipi; unkan asniwicaya.

Mattheos 8:16

Wanna ḣtayetu hehan wakan śica wicayuhnaśkinyan ota en awicahipi; unkan oie kin on wakan śica napewicaya; qa tona wayazankapi kin owasin asniwicaya.

Mattheos 8:17

Hecen Isaya wicaśta wokcan taku eye ciqon he yuecetupi kta; he kaken eya; Iye teḣiya unyakonpi kin eunkiciyakupi qa waunyazanpi kin yutokan iyeunkiciciyapi ece.

Markos 1:21

Hehan Kapernaum en yapi; unkan anpetu wakan icunhan omniciye tipi kin katinyan en ye c̣a, woyaka.

Markos 1:31

Hehan en hi, qa napata yuze c̣a najinkiya; unkan ecahankeya tancan kata ayuśtan, qa hehan owicakiya.

Markos 3:2

Unkan anpetu wakan icunhan asniye kta hecinhan he iawanyakapi; taku iyaonpapi kta e heon.

Lukas 4:40

Unkan wi iyaya hehan, woyazan ocaje ota on wicayazan tona wicayuhapi kin hena en awicahipi; unkan otoiyohi nape awicahnake c̣a asniwicaya.

Lukas 4:41

Qa wakan śica iś eya ota wicota etanhan hinanpapi, qa heya niyanpi; Wakantanka Cinhintku Messiya kin he niye ce. Unkan iye wicakiśice c̣a, Messiya hee sdonyapi kin he, eyapi kta iyowicaki śni.