Markos 1:24 - Dakota Wowapi Wakan Kin

²⁴ Qa heya; Unkayuśtan po; Jesus Nazareth etanhan, taku ecaunniconpi he; ihangunyayapi kta yahi he; nituwe kin sdonwaya, Taku Wakan Wanji Wakantanka tawa kin he niye.

Markos 1:24 ပူးပေါင်းရင်းမြစ်များ

Mattheos 2:23

Qa otonwe wan Nazareth eciyapi kin he en hi qa hen yanka; hecen, Nazareth wicaśta eciyapi kta ce, wicaśta wokcan eye ciqon he yuecetupi.

Mattheos 8:29

Unkan iho, heya howayapi; Jesus Wakantanka Cinhintku, taku unkiyotahedan un he; hinaḣinke śni tuka itokam kakiśunyayapi kta on yahi he.

Markos 1:23

Unkan omniciye tipi kin he ohna wicaśta wan woniya śica yuha; unkan he howaya,

Markos 1:25

Hehan Jesus iyopeye c̣a heciya; Inina yanke c̣a, tankata hninanpa wo.

Markos 10:47

Unkan he Jesus Nazareth etanhan hee naḣon qehan, hotanin qa heya; Jesus, Dawid Cinhintku, onśimakida wo.

Markos 14:67

Qa Inyan petiśkan yanka wanyake c̣ehan en etonwe c̣a heya; Qa niś eya Jesus Nazareth kici yaun qon.

Markos 16:6

Tuka iye hewicakiya; Ihnuhan niyuśinyayapi kinhan; Jesus Nazareth etanhan, icipaweḣ okatanpi qon he oyadepi; wanna ihduekicetu; den wanke śni; tukten hnakapi qon he wanyaka po.

Markos 5:7

Qa hotankakiya hotanin qa heya; Jesus Wakantanka Tehanwankantu Cinhintku kin, taku e unkiyotahedan un he; Taku Wakan cajeyan ceciciya, kakiśmayaye kte śni.

Lukas 1:35

Unkan ohnihde wakan kin waayupte c̣a heciya; Woniya Wakan kin en niu kta, qa Iyotan Wankantu towaśake kin aohanziniye kta, qa hecen taku wakan wan yaton kte cin he Wakantanka Cinhintku kin eciyapi kta.

Lukas 24:19

Unkan hewicakiya; Hena taku he. Unkan heciyapi; Jesus Nazareth etanhan kin on, he wicaśta wokcan, wicoḣan wicoie ko on waśaka, Wakantanka qa oyate kin owasin wicitokam.

Lukas 4:34

Qa heya; Hanta wo, Jesus Nazareth, niye qa unkiye taku unkicicapi he; ihangunyayapi kta yahi he; Wakantanka Taku Wakan Wanji tawa kin he niye e sdonciya ce.

Lukas 8:28

He Jesus wanyake c̣ehan, hoyeye c̣a itokam makata eḣpeic̣iye c̣a hotankakiya heya; Jesus Wakantanka Iyotan Wankantu Cinhintku kin, token unyakon kta he. Ceciciya ce, Kakiśmaye śni wo.

Lukas 8:37

Hehan ihdukśan Gadarene tamakocepi kin owancaya taku econpi qon he naḣonpi qehan, owasin nina wikopapi on etanhan cekiyapi, qa tokan yesipi. Unkan wata kin en okipe, c̣a icicawin kihda.

Johannes 6:69

Qa Messiya Wakantanka ni un Cinhintku kin he niye e wicaundapi qa sdonunyanpi ye, eya.

Olianyanpi kin 2:27

Minagi kin he hades ekta eḣpemayakiye śni, qa Wanji Wakan nitawa kin he wicaḣwin wanyake kta e on yaqu kte śni.

Olianyanpi kin 24:5

Wicaśta kin de makośice, qa maka kin owancaya Juda oyate cante okic̣uninwicaye cin, qa yuomdecapi wan Nazareth etanhanpi, ewicakiyapi kin he en mdetahunkapi kin he wanji dee e iyeunyanpi ce.

Olianyanpi kin 3:14

Tuka Wanji Wakan qa Owotanna un kin he niye yakipajinpi, qa wicakte sa wan kiyuśkapi yacinpi.

Olianyanpi kin 4:27

Awicakehan Jesus Nicinkśi wakan sdayakiye ciqon he en, Herod, qa Pontiyos Pilate, Ikcewicaśta, Israel oyate ko mniciyapi;

Jakob 2:19

Taku Wakan kin wanjidan he wicayada; he tanyan ecanon; taku wakan śicapi kin iś eya wicadapi qa cancanpi ece.

I. Johannes 2:20

Tuka Wanji Wakan kin he niye sdaniyanpi, qa heon taku owasin sdonyayapi.

Wayuotanin 3:7

Unkan Philadelphia ekta okodakiciye ohnihde yuhapi kin he ecen wowapi kicaga wo; Tuwe wakan qa wicaka un, qa Dawid tiyopa iyuḣdoke kin yuhe c̣a, yuḣdoka eca tuwedan ecen iyeye śni, qa ecen icu eca tuwedan yuḣdoke śni ece kin hee hecen eya;