Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Markos 1:21 - Dakota Wowapi Wakan Kin

21 Hehan Kapernaum en yapi; unkan anpetu wakan icunhan omniciye tipi kin katinyan en ye c̣a, woyaka.

အခန်းကိုကြည့်ပါ။ ကော်ပီ




Markos 1:21
18 ပူးပေါင်းရင်းမြစ်များ  

Qa Nazareth eḣpeya iyaye c̣a Kapernaum en hiyanka, he mde kin icahda, Zabulon qa Nephtalim opapun kin hetu.


Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.


Unkan ecahankeya wicakico; unkan atkukupi Zebede, qa tona wowidake wicayuhe cin hena om, wata kin en eḣpewicayapi, qa ihakam iyayapi.


Unkan omniciye tipi kin etanhan hdicupi, hehan katinyan Simon qa Andrew tipi tawapi kin en yapi, Jakob qa Johannes nakun opapi.


Hecen otonwe kin ocowasin tiyopa kin en kata iheya.


Unkan Galile makoce kin owancaya, omniciye tipi kin ohna woyake c̣a, wakan śica hinape wicakiya ece.


Hetanhan najin hiyaye c̣a, Jordan akasanpatanhan, Juda makoce kin en hi: unkan ake oyate kin en witaya kata iheya; qa econ ece qon he iyecen ake wowicakiyaka.


Anpetu tonana iyohakam hehan ake Kapernaum en i; unkan ti mahen yanka he oyakapi.


Hehan ake omniciye tipi kin en iyaya; unkan wicaśta wanji nape śnija hen yanka.


Unkan wanna anpetu wakan hehan omniciye tipi kin ohna waonspewicakiya. Qa wicota naḣonpi qehan yuśinyayapi qa heyapi; Tokiyatanhan dena yuha he; qa taku woksape qupi he; qa token iye nape on wicoḣan tanka dececa econpi he.


Qa niye Kapernaum, yuwankan maḣpiya ekta aniyanpi kin, kuya wakanśica ti kin ekta iyaye niyanpi kta ce, eya.


Unkan anpetu wakan icunhan omniciye tipi wan ohna waonspewicakiya yanka:


Unkan Nazareth en icaḣyapi qon he ekta hdi; qa econ ece kin he iyecen, anpetu wakan icunhan, omniciye tipi kin en tin iyaye c̣a, wowapi yawa kta inajin.


Unkan hewicakiya; Awicakehan iapi kin de ecen emayakiapi kta; Niye pejihuta wicaśta kin, asniic̣iya wo: Kapernaum ekta token ecanon naunḣonpi kin, makoce nitawa kin den nakun ecen econ wo.


Unkan Palos token econ eco kin ake ecen econ, qa timahen i, qa anpetu okiḣpapi yamni, wowapi wakan kin eciyatanhan, oyate kin wowicakiyaka.


Qa anpetu wakan eca omniciye tipi kin ohna wowicakiyaka ece, qa Juda oyate Helenes ko cinwicakiya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ