Markos 1:20 - Dakota Wowapi Wakan Kin

²⁰ Unkan ecahankeya wicakico; unkan atkukupi Zebede, qa tona wowidake wicayuhe cin hena om, wata kin en eḣpewicayapi, qa ihakam iyayapi.

Markos 1:20 ပူးပေါင်းရင်းမြစ်များ

Mattheos 10:37

Tuwe miye isanpa atkuku qa iś hunku kin waśtekidake cinhan, he mici un kta iyecece śni; qa tuwe miye isanpa cinhintku qa iś cunwintku kin waśtekidake cinhan, he mici un kta iyecece śni:

Markos 1:19

Unkan hetanhan kitan ecinyan iyoopta ye c̣a, Jakob Zebede cinhintku, nakun sunkaku Johannes eciyapi, wanwicayaka; hena wata ohna ho kin piyapi.

Markos 1:21

Hehan Kapernaum en yapi; unkan anpetu wakan icunhan omniciye tipi kin katinyan en ye c̣a, woyaka.

Markos 10:29

Jesua waayupte c̣a heya; Awicakehan heciciyapi, tuwe, miye qa wotanin waśte kin on, tipi qa hunkawanjitku, qa tawinoḣtin, qa atkuku, qa hunku, qa tawicu, qa cinc̣a, qa makoce eḣpeye cinhan;

Lukas 14:26

Tuwe ekta mahi, qa atkuku, hunku, tawicu, cinca, sunkaku, tawinoḣtin kin, hena, qa iye ni kin heeś koya śicekida śni ehantanhan, waonspewicawakiye cin wanji ee kta okitpani ce.

Lukas 5:11

Unkan wata qon hutata ahdihunipi qehan, owasin eḣpekiyapi, qa iyahna yapi.

II. Korinth 5:16

Heon etanhan, detanhan wicaceḣpi eciyatanhan tuwedan sdonunyanpi śni; han, Messiya hee wicaceḣpi eciyatanhan sdonunyanpi eśta, nakaha detanhan sdonunyanpi śni.