35 Unkan maḣpiya qon etanhan wicaho wan hinape, c̣a heya; Micinkśi waste wakidake cin he dee ce: he anagoptan po.
Iho, mitahokśdan wahdaḣnige ciqon; waśte wakidake cin on minagi iyuśkin ece; mitaniya kin waqu kta, hecen Ikcewicaśta kin woyaco owicakiyake kta.
Unkan iho, maḣpiya eciyatanhan wicaho wan heya; Micinkśi waśte wakidake cin he dee, on iyomakipi ḣinca ce.
Unkan maḣpiya eciyatanhan wicaho wan tanin, Micinkśi waśtewakidake c̣a tanyan iyomakipi kin he niye ce.
Qa Woniya Wakan kin wakiyedan kaḣya tantonyan kun u, qa en iyahan; unkan maḣpiya eciyatanhan wicaho wan hiyu, qa heya; Micinkśi waśtewakidake cin he niye; niye on iyomakipi ḣinca.
Hena hecen eya icunhan, maḣpiya śoka wan u, qa aohanziwicaya. Unkan maḣpiya śoka kin en hiyayapi hehan nina wikopapi.
Ate nicaje kin hdutan wo. Unkan maḣpiya kin eciyatanhan wicaho wan u qa; Wanna eya micaje kin wahdutan, nakun wahdutan kta, eya.
Wakantanka oyate kin cantewicakiya, heon Cinhintku iśnana icage cin wicaqu, qa tuwe awacin kinhan owihanke kte śni, tuka owihanke wanin wiconi yuhe kta.
Unkiye wiconi hinsko tanka kin unkaktapi śni kinhan, token naunpapi kta he. He tokaheya Itancan kin oyake c̣a, tona naḣonpi kin hena atayedan unkokiyakapi:
Anpe dehan, iye ho kin nayaḣonpi kinhan, cante hduteḣipi śni po, wawakipajinpi qon en iyececa ce, eyapi kin hehanyan.
Qa iye yuśtanpi kin heon tona anagoptanpi kin owasin owihanke wanin wiconi kin wicakicaga.