Lukas 9:20 - Dakota Wowapi Wakan Kin

²⁰ Unkan hewicakiya; Tuka niye matuwe kehapi he. Unkan Inyan waayupte c̣a heya; Wakantanka etanhan Messiya kin.

Lukas 9:20 ပူးပေါင်းရင်းမြစ်များ

Mattheos 22:42

Messiya on token idukcanpi he; tuwe cinhintku he. Unkan, Dawid Cinhintku ce, eciyapi.

Mattheos 26:63

Tuka Jesus inina yanka. Unkan wośnapi kagapi itancan kin heciya; Wakantanka ni un kin on wacajeciciyate, Messiya Wakantanka Cinhintku kin he niye hecinhan, unkokiyaka miye.

Mattheos 5:47

Qa aunka wicayayapi kin henana napewicaduzapi kinhan, taku econpi ece sanpa tukte e ecanonpi he; wamnayanpi kin hena eepi kaeś heconpi śni he.

Markos 14:61

Tuka iye inina un qa takudan ayupte śni. Ake wośna kagapi itancan kin wiwange c̣a heciya; Messiya, Iyotan Waśte Cinhintku kin he niye he.

Markos 8:29

Unkan hewicakiya; Qa niye matuwe kehapi he. Unkan Inyan waayupte c̣a heciya; Messiya he niye.

Lukas 22:67

Qa heyapi; Messiya he niye hecinhan unkokiyaka po. Unkan hewicakiya; Ociciyakapi eśta wicayadapi kte śni.

Lukas 9:19

Unkan waayuptapi qa, Johannes baptem wicaqu qon; qa apa iś, Elias; qa apa tokeca iś; Wanakaja waayatapi qon hena etanhan wanji kini ce, eyapi ce, eyapi.

Johannes 1:41

He cincu Simon tokaheya iyeye c̣a heciya; Messiya, he Sdayapi eyapi kin, iyeunyanpi ce:

Johannes 1:49

Nathanael ayupte c̣a heciya; Itancan, Wakantanka Cinhintku, Israel oyate Wicaśtayatapi kin he niye.

Johannes 11:27

Han, Itancan; Messiya Wakantanka Cinhintku makata hi kte ciqon he niye e wicawada ce, eciya.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Johannes 4:29

Wicaśta wan taku ecamon qon owasin omiciyake cin he ito wanyagu miye. He Messiya kin ee śni he.

Johannes 4:42

Qa, Taku odake cin he etanhan wicaundapi kin hee śni, unkiś eya naunḣonpi, Messiya hee qa oyate wanikiye kte cin hee e sdonunyanpi, winoḣinca kin eciyapi.

Johannes 7:41

Toktokeca iś, Messiya kin he dee ce, eyapi. Tuka apa iś, Messiya Galile etanhan u kta he, eyapi.

Olianyanpi kin 17:3

Ie c̣a Messiya ṭe kte c̣a, wiconṭe kin etanhan najin kta e hecetu e yaotanin, qa, Jesus ociciyakapi kin he Messiya kin ee ce, eya.

Olianyanpi kin 8:36

Unkan canku kin ohna hdapi, qa mini yuke cin wan iyohipi. Hehan yunokos kin; Mini wanyaka wo, baptem maqupi kta e taku teḣinda kta he, eya.

Olianyanpi kin 9:22

Tuka Salos sanpa waśaka icage c̣a Juda wicaśta Damaskos ekta yakonpi kin hena inina yanke wicakiye c̣a, He Messiya kin ee e yawicaka.

I. Johannes 5:1

Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.