Lukas 8:14 - Dakota Wowapi Wakan Kin

¹⁴ Qa tona wanna naḣonpi, qa hehan tokiya yapi, qa wiconi kin de woawacin kin, qa wowijice, qa wowiyuśkin kin, hena on aoṭinzapi, qa hecen tanyan sutonpi śni kin hena wapepeka ehna hinḣpaye ciqon eepi ce.

Lukas 8:14 ပူးပေါင်းရင်းမြစ်များ

Mattheos 13:22

Unkan wapepeka ehna ojuipi icu qon, tuwe wicoie kin naḣon kin hee; tuka wiconi kin de awacinpi qa woyuha ota wohnaye kin hena wicoie kin kte ece, hecen waskuyeca takudan aicage śni.

Markos 4:19

Unkan maka kin de awacinpi, qa wijicapi on wicahnayanpi, qa taku tokeca cantiheyapi kin hena en u, qa wicoie kin yuoṭinza, hecen wasuton śni, hena eepi.

Lukas 16:13

Ookiye kin tuwedan yuhe cin nonpa en wowidagic̣iye kta okihi śni; wanji śicedake kta, qa unma iś waśtedake kta; qa iś wanji en iyaihdaśke kta, qa unma kin iś ekta ewacin kte śni. Wakantanka qa mammon napin en wowidagnic̣iyapi kta oyakihipi śni ce.

Lukas 21:34

Unkan itonic̣ipa po; okinni tukten wotapi, qa witkopi, qa wiconi kin de awacinpi kin, hena on nicantepi kin niyuśakapi kta naceca; qa hecen sdonyakiyapi śni ecen anpetu kin he nihiyohipi kte.

Lukas 8:13

Tona wicoie naḣonpi eca iyuśkinyan icupi ece kin hena imnija akan un qon hena ee; hena hutkan nicapi, qa cistiyedan wicadapi, tuka taku iyutanwicayapi hehan ayuśtanpi ece.

Lukas 8:15

Tuka tona wanna wicoie naḣonpi ec̣a, cante waśte qa owotanna mahen yuha unpi, qa wacintankaya sutonpi kin hena maka waśte akan un qon hena eepi ce, eya.

Lukas 8:7

Unkan apa wapepeka ehnahna hinḣpaya; unkan wapepeka opeya uye, c̣a aoṭinsya.

Johannes 15:6

Tuwe mici un śni kinhan adetka iyecen tankan eḣpeyapi, hecen śnija aya; unkan hena wicaśta pahipi qa petan eḣpeyapi, hecen ḣuḣnaga, ece.

I. Timotheos 6:17

Tona maka kin den watonpike cin wahokonwicakiya wo, watankaic̣idapi kte śni, qa woyuha atakuni śni aya ece kin wacinyanpi kte śni, tuka Wakantanka ni un taku iyounkipipi kta e iyakic̣uya unqupi kin hee;

II. Timotheos 4:10

Demas he amayuśtan, wiconi kin de waśtedake c̣a Thessalonike ekta kihda, Kreskes Galatia ekta, qa Titos Dalmatia ekta.

Hebrew 6:1

Heon etanhan Messiya woonspe tokaheya tawa kin he hekta eḣpeunkiyapi, qa woyuśtan ekta unyanpi kta; wiconṭe wicoḣan on iyopeic̣iyapi, qa Wakantanka wacinyanpi kin taku ahe cin akta eunhdepi kte śni;