Lukas 6:8 - Dakota Wowapi Wakan Kin

⁸ Tuka iye tawacinpi kin sdonwicaya, qa wicaśta nape śnije cin he heciya; Najin qa cokaya inajin wo. Unkan najin hiyaye c̣a en inajin.

Lukas 6:8 ပူးပေါင်းရင်းမြစ်များ

Mattheos 9:4

Unkan Jesus canteyuzapi kin wanyaka hehan heya; Tokeca cante mahen taku śica awacannipi he.

Markos 3:3

Unkan wicaśta nape śnije cin he heciya; Cokata inajin wo.

Lukas 13:12

Jesus he wanyaka, unkan kico qa heciya; Winoḣinca waniyazanke cin etanhan niciyuśkapi ce.

Lukas 5:22

Tuka tawacinpi kin Jesus iwicayukcan, hehan waayupte c̣a hewicakiya; Taku e cante mahen aynkinicapi he:

Lukas 6:9

Unkan Jesus hewicakiya; Miś ito taku wanji iciwangapi kta; Anpetu wakan icunhan taku waśte, qa iś taku śica econpi kta he; wanikiyapi, qa iś waṭeyapi kta, unma tukte hecetu he, eya.

Johannes 2:25

Qa wicaśta on tuwedan wayaotanin kta cin śni; iye atayedan wicaśta taku en un kin sdonya, heon etanhan.

Johannes 21:17

Ake iciyamni, Simon Jona cinhintku waśte mayadaka he, eciya. Yamni akihde, Waśte mayadaka he, eya iwange cin heon Inyan iyokiśica; unkan heciya, Itancan, taku owasin sdonyaya; waśtecidake cin he sdonyaya. Hehan Jesus, Taḣinca mitawa kin wo wicaqu wo, eciya.

Johannes 9:4

Anpetu icunhan, tuwe u maśi wicoḣan tawa kin ecen ecamon kta iyececa; hanyetu kin he hi kta, he en tuwedan wicoḣan econ okihi kte śni.

Olianyanpi kin 20:24

Tuka hena takuwada śni, qa wiconi mitawa kin teḣike wakida śni, iyuśkinyan ihunniyan waimnanke kta, qa wicoḣan Jesus Itancan maqu kin, Wakantanka towaonśida wotanin waśte omdake kte cin hee tanyan mduśtan kinhan.

Olianyanpi kin 26:26

Qa wicaśtayatapi kin is hena tanyan sdonya, heon itokam waditagya wowahdaka, hena taku kin iye kin anakiḣmanpi śni e mdukcan, okaḣmin en econpi śni nakaeś.

Philippi 1:28

Qa tona toka niyanpi kin hena on, ihnuhan taku ininihanpi kin: hee hena en wicotakuni śni au kta yuotanin, tuka heon niyepi kin en wiconi Wakantanka etanhan au kta otanin.

Hebrew 4:13

Qa taku kagapi kin takudan iye iśta kin en anaḣbepica śni; tuwe oicazo unqupi kin he iśta kin en taku owasin tancodan qa śdayehnahan yanka.

I. Inyan 4:1

Heon etanhan, Messiya wicaceḣpi en unkiyepi on kakije cin heon, niś eya iyecen tawacin kic̣un po: tuwe wicaceḣpi kin en kakije cin he wanna woaḣtani ayuśtan:

Wayuotanin 2:23

Qa iye cinca kin wiconṭe on wicawakte kta; qa okodakiciye kin owasin, tuwe wicapakśin wicacante ko iyukcan kin he miye e sdonyapi kta. Qa niyepi kin otoiyohi nioḣanpi kin eciyatanhan cic̣upi kta.