Lukas 6:49 - Dakota Wowapi Wakan Kin

⁴⁹ Tuka tuwe naḣon tuka ecen econ śni kinhan, wicaśta wan oahehde codan maka akan tipi kage cin he iyececa; unkan he en wakpa kin nina kaduza, qa hecehnana hinḣpaya; qa tipi kin he woatakuniśni tanka.

Lukas 6:49 ပူးပေါင်းရင်းမြစ်များ

Mattheos 23:3

Heon etanhan taku tona openiśipi kin hena owasin opapi qa econ po; tuka iye oḣanpi kin ohna econpi śni po; taku eyapi, tuka iyecen econpi śni ece.

Mattheos 24:10

Unkan hehan wicaśta ota śihdapi kta, qa otoiyohi kicihnayanpi kta qa śicekicidapi kta.

Markos 4:17

Tuka iyepi mahen hutkan nicapi heon aśkayedan icaga; tohan wicoie kin on śicaya wicakuwapi qa śitkihdawicayapi icaga, hehan hinnahanka śihdapi.

Lukas 12:47

Qa ookiye wanji yuhe cin tawacin kin sdonya, tuka wiyeya ic̣ihnake śni, qa tawacin kin okicipe śni kinhan, he ota apapi kta.

Lukas 19:14

Tuka taoyate kin waḣtedapi śni, qa tuwe iyahna yeśipi, qa heyapi; Wicaśta kin de unkidakapi kta uncinpi śni ce.

Lukas 19:27

Tuka tokamayanpi iwicawadake kta cinpi śni qon hena den awicaupi qa mitokam wicakte po, eya ce.

Lukas 6:46

Unkan tukeca, Itancan, Itancan, emayakiyapi ece, qa taku epe cin ecen ecanonpi śni he.

Lukas 6:48

Wicaśta wan tipi kaga; unkan temahentu maka qe, c̣a oahehde kin imnija wan akan ehde: unkan minitan aye c̣ehan, wakpa kin tipi kin he en nina kaduza, tuka kahuhuze kta okitpani, imnija akan ehdepi nakaeś, he iyececa.

Lukas 7:1

Unkan oyate naḣon hiyeye cin en iapi kin dena owasin wanna ecen yaśtan qehan, Kapernaum en i.

Johannes 15:2

Adetka tona miye on waskuyeca icaḣye śni kin hena yupśun; qa adetka tona waskuyeca icaḣye cin hena pakinta, hecen on waskuyeca ota icaḣye kta.

Olianyanpi kin 20:29

Miye imdamde cinhan, hehan śunktokeca ocin śicapi kin niyepi en niipi kta, qa taḣinca kin itonwicapapi kte śni he sdonwaya.

Olianyanpi kin 26:11

Qa omniciye tipi kin iyaza otakiya wicawakaśtake c̣a, waośtehda wicawakiye c̣a, nina canniye wicawaye cin heon otonwe tokeca ekta śicaya wicawakuwa.

I. Thessalonike 3:5

Heon etanhan ṭinsmic̣iye kta owakitpani, hehan token wacinyayapi kin sdonwaye kta e on he ekta ye waśi, okinni taku wawiyutanyan un kin iniyutanpi naceca, qa hecen ḣtaunnipi kin taku śni ye kta.

II. Inyan 2:20

Itancan qa Wanikiya Jesus Messiya sdonyapi kin eciyatanhan, wicoicage kin de en woaśape kin nakipapi eśta, ake hena on iyakapeyapi qa en ihdaśkapi kinhan, hena otokahe ekta waśte qa owihankepi kin he śica ece.

I. Johannes 2:19

Unkiyepi kin etanhan inanpapi, tuka hena unkicicapi śni. Hena unkicicapi unkanś, unkici pi un wacinpi kta: tuka owasin unketanhanpi śni tanin kta e heon etanhan hececa.