Lukas 6:27 - Dakota Wowapi Wakan Kin

²⁷ Tuka naḣon dukanpi kin heciciyapi ce, Tokaniyanpi kin hena cantewicakiya po, qa śicenidapi kin hena tanyan ecawicakicon po;

Lukas 6:27 ပူးပေါင်းရင်းမြစ်များ

Markos 4:24

Unkan hewicakiya; Taku nayaḣonpi kin awacin po. Wiyutapi kin tukte on widutapi ece kin, he on ake winiciyutapi kta, qa tona anagoptan dukanpi kin sanpa nic̣upi ece e kta.

Lukas 23:34

Hehan Jesus heya; Ate, wicakicicajuju wo; taku tokonpi kin sdonkiyapi śni ce. Unkan tawokoyake kin kicipamnipi, qa oeconna econpi.

Lukas 6:22

tohan wicaśta śicenidapi, qa yuiyog iyayeniyanpi, qa iennihdepi, qa Wicaśta Cinhintku kin on nicajepi kin taku śica iyecen tankan eḣpeyapi kinhan, niyawaśtepi ece.

Lukas 6:35

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Lukas 8:15

Tuka tona wanna wicoie naḣonpi ec̣a, cante waśte qa owotanna mahen yuha unpi, qa wacintankaya sutonpi kin hena maka waśte akan un qon hena eepi ce, eya.

Lukas 8:18

Heon token nayaḣonpi hecinhan itonpa po; tuwe wayuhe cin he nakun qupi kta; qa tuwe wayuhe śni kin he taku yuha kecin kin hee ikicicupi kta ce, eya.

Lukas 8:8

Unkan apa is maka waśte ahinḣpaya; unkan uye, c̣a opawingege suton, eya. Unkan hena hecekcen eye c̣ehan, heya niyan; Tuwe noge winaḣon yukan hecinhan, ito naḣon kta ce, eya.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 16:28

Tuka Palos nina hoyekiye c̣a, Kiuniiciye śni wo, owasin den unkanpi ce, eya.

Olianyanpi kin 7:60

Hehan canpeśka makehde inajin qa hotankakiya hoyekiya; Itancan woaḣtani kin de iyepi kin en awicau śni wo. Hena hecen eye c̣a hehan iśtinma iyaya.

Galatia 6:10

Heon tohanyan unkokihipi kinhan, wicaśta owasin taku waśte ecawicunkiconpi kta, qa wacinyanpi tiyohnaka kin hena iyotan.

I. Thessalonike 5:15

Ihnuhan tuwe taku śica on itkom taku śica econ kinhan, tuka ohinniyan niś niyepi kin otoiyohi on, qa wicaśta owasin on taku waśte ecedan akita po.

III. Johannes 1:11

Waśtecicida, taku śice cin he en ope śni wo, tuka taku waśte kin. Tuwe taku waśte econ kin he Wakantanka eciyatanhan un, tuka tuwe taku śica econ kin he Wakantanka wanyake śni.