Lukas 6:20 - Dakota Wowapi Wakan Kin

²⁰ Unkan waonspewicakiye cin awicatonwe, c̣a heya; Niwaḣpanicapi kin niś niyawaśtepi ce; Wakantanka tokiconze kin he niye nitawapi.

Lukas 6:20 ပူးပေါင်းရင်းမြစ်များ

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Mattheos 5:1

Unkan wicota wanwicayaka hehan paha wan ekta iyaya; qa hen iyotanka hehan waonspewicakiye cin en hipi.

Lukas 12:32

Optaye cistinna kin, wikopapi śni po; wokiconze kin hee nic̣upi kta e Ateyayapi kin iyokipi ece.

Lukas 13:28

Abraham, qa Isaak, qa Jakob, qa wicaśta wokcan owasin Wakantanka tokiconze kin en opapi tohan wandakapi, qa niyepi kin tankan iyayeniyanpi kinhan, wicaceya hihdakokokapi ko yuke kta.

Lukas 14:15

Unkan opeya wota yankapi kin etanhan wanji hena hecen eya naḣon qehan, heciya; Wakankanka tokiconze kin en tuwe aguyapi yute kta hecinhan hee yawaśtepi ce.

Lukas 16:25

Tuka Abraham heya; Cinś, yani qon he ehan taku waśteśte yahduha, qa Lazaros taku śikśica yuha, he kiksuya wo; tuka nakaha iye kicanptapi qa niye kakiśniyanpi.

Lukas 4:18

Itancan Woniya tawa kin he akan maun; heon waḣpanicapi kin wotanin waśte kin owicawakiyake kta e sdamakiya; tona cante psakawahanpi kin asniwicawaye kta on u maśi; wayaka unpi kin wicakiyuśkapi kta, qa iśtagongapi kin ake tonwanpi kte cin omdake kta; tona kaḣdeḣdecapi kin hena wicawakiyuśke kta;

Olianyanpi kin 14:22

Qa waonspewicakiyapi nagipi kin waśag wicakiyapi, qa wacinyanpi kin en kitanyan unpi kta e iwahokonwicakiyapi, qa wokakije ota iyoopteya Wakantanka tokiconze kin en unkipi kta ce.

II. Korinth 6:10

Iyokiśicapi iyeuncecapi, tuka ohmniyan wiunyuśkinpi; waḣpanicapi kin iyeuncecapi, tuka wicota watonka wicunkagapi; takudan yuhapi śni kin iyeuncecapi, tuka taku owasin untonpi.

II. Korinth 8:2

Hena wokakije tanka en nina iyuśkinpi, qa iyotan waḣpanica unpi kin he etanhan taku ota iyokipiya wicaqupi.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

I. Thessalonike 1:6

Wicokakije ota ehna, qa Woniya Wakan wowiyuśkin kin yuha wicoie kin iyacupi, hecen Itancan kin oyapapi, qa nakun unkiyepi.

II. Thessalonike 1:5

Wakantanka tawoyaco owotanna wowapetokeca kin he dee, nicakijapi kin heon Wakantanka tokiconze kin iyehantu niyawapi kta.

Jakob 1:12

Wicaśta iyutanyanpi kin he yawaśtepi ece; tohan tanyan yukcanpi kinhan, hehan wiconi wateśdake, Itancan kin tona waśtedakapi iwahowicaye ciqon, hee icu kta.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

Wayuotanin 2:9

Nioḣan kin sdonwaya, wokakije wowaḣpanica ko nitawa kin, (tuka winijica;) qa tona Juda wicaśta keic̣iyapi qa hecapi śni, tuka Satan omniciye tawa kin etanhanpi, hena waaiapi kin nakun sdonwaya.