Lukas 24:27 - Dakota Wowapi Wakan Kin

²⁷ Unkan hecen Moses e tokaheya, qa hehan wicaśta wokcan owasin, taku iye kin on wowapi en kagapi qon hena owasin owicakiyaka.

Lukas 24:27 ပူးပေါင်းရင်းမြစ်များ

Markos 4:34

Qa wiyacinpi codan takudan owicakiyake śni. Unkan iśnana yukanpi, hehan taku owasin waonspewicakiye cin hdaheya owicakiyaka ece.

Lukas 24:25

Unkan hewicakiya; Witkotkokapi qa wicaśta wokcan taku oyakapi qon hena owasin wicada cante hunkapi śni kin:

Lukas 24:44

Qa hewicakiya; Nahaḣin om ciunpi qon ehan, wicoie ociciyakapi qon he dee ce; Moses wicoope tawa, qa wicaśta wokcan, qa odowan kin, henakiya en miye on taku token owapi qon owasin ecen yuśtanpi kta iyececa ce, eya.

Johannes 1:45

Philip Nathanael akipa, qa heciya; Moses woope en owa qon, qa wicaśta wokcanpi kin nakun, he wanna iyeunyanpi, Jesus Nazareth etanhan, Joseph cinhintku kin hee.

Johannes 12:41

Towitan kin he Isaya wanyake ciqon he ehan hena hecen ekiciya.

Johannes 5:37

Qa Ateyapi umaśi qon he nakun mahduotanin: He tohiani ho kin nayaḣonpi śni, qa itohnake wandakapi śni:

Johannes 5:39

Wowapi wakan kin en akita po; heciyatanhan wiconi owihanke wanica duhapi kecannipi; unkan omayake cin hena ee.

Olianyanpi kin 10:43

He wicaśta wokcan kin owasin oyakapi; iye caje kin eciyatanhan tuwe wicada kinhan woaḣtani wokajuju kin yuhe kta ce.

Olianyanpi kin 3:18

Tuka Wakantanka Messiya token kakije kte cin, wicaśta wokcan kin owasin i kin eciyatanhan, oyake ciqon hena he en hduecetu.

Olianyanpi kin 3:22

Moses iye qe hunkakeyapi kin hewicakiya; Nihunkawanjipi kin etanhan wicaśta wokcan wanji, miye iyemaceca, Jehowa Wakantanka nitawapi kin icaḣniciciyapi kta; he taku eniciyapi kte cin owasin anayagoptanpi kta.

Olianyanpi kin 3:24

Unkan wicaśta wokcan owasin, Samuel hetanhan, tona iyohakam woyakapi qon anpetu kin dena cajeyatapi.

Olianyanpi kin 7:37

Moses Israel cinca kin; Hunkawanjin wicayayapi etanhan wicaśta wokcan wan miye iyemaceca, Itancan Wankantanka nitawapi kin icaḣniciciyapi kta, he anayagoptanpi kta ce, ewicakiye ciqon he dee.

Olianyanpi kin 8:35

Hehan Philip i hdukawa qa wowapi kin he etanhan ie c̣a Jesus e okiyaka.

Wayuotanin 19:10

Unkan hehan he siha hdepi kin en makata eḣpemic̣iye c̣a ohowada kta; tuka iye hemakiya, Ihnuhan hecanon kin, miś cici ookiye waun, qa nihunkawanji Jesus yaotanin yuhapi kin hemaca; Wakantanka ohoda wo. Jesus yaotanin kin he wokcanpi woniya kin hee.