Lukas 22:52 - Dakota Wowapi Wakan Kin

⁵² Hehan Jesus wawayuśna itancanpi, qa tipi wakan kin en itancanpi, qa tokapapi en au qon, hena hewicakiya; Mazasagye can ko yuha wamanon sa wan tatpe yapi se iyecen yahipi he.

Lukas 22:52 ပူးပေါင်းရင်းမြစ်များ

Mattheos 26:47

Unkan iahan icunhan, iho, Judas, akenonpapi kin wanji ee, he hi, qa wicota wośnapi kagapi qa oyate kin en wicaśta tankinyanyanpi etanhan, mazasagye cansagye ko yuha kici hipi.

Mattheos 26:55

Wihiyayedan oape kin he en Jesus oyate kin hewicakiya; Tokeca wamanon sa iyecen, mazasagye cansagye ko hduha takpe mayahipi he; anpetu otoiyohi tipi wakan kin ohna waonspeciciyapi manka, tuka mayaduzapi śni.

Lukas 22:37

Taku wowapi en kagapi qon, Wicoḣan śica econpi kin om yawapi ce, eyapi kin he miye en yuecetupi kta, eciciyapi: Unkan dena miye on ecen econpi kta ce.

Lukas 22:4

Unkan he ekta ye c̣a, wawayuśna itancanpi, qa akicita itancanpi kin hena om wohdaka, token econ qa wicaqu kte cin heon.

Lukas 22:51

Unkan Jesus waayupte c̣a, Hehanyan iyowinmakiya wo, eye c̣a noge yutan, qa asniyan.

Lukas 22:53

Anpetu iyohi tipi wakan kin ohna opeya ciunpi qon ehan, tuwedan nape kin itkom hiyumayakiyapi śni; tuka dehan nakaha kin he niye nitawapi, qa otpaza wowaśake kin, eya.

Johannes 17:12

Oyate kin den om waun kin he icunhan nicaje kin on wicawahduha. Mayaqu qon hena e wicawahduha, qa owasin eḣpekiyapi śni, wicaśta wayutakuni śni cinhintku kin hecedan eḣpekiyapi, hecen wowapi en un qon wanna iyecetu.

Olianyanpi kin 5:26

Hehan akicita tancan kin akicita ko ekta yapi qa iwaśtedan awicaupi, oyate kin inyan on wicakininpi kta e kokipapi heon etanhan.