Lukas 22:31 - Dakota Wowapi Wakan Kin

³¹ Hehan Itancan kin heya; Simon, Simon, iho, Satan niyuhe c̣a, aguyapi su iyecen niyucan kta e cin tuka ce.

Lukas 22:31 ပူးပေါင်းရင်းမြစ်များ

Mattheos 26:30

Unkan odowan wan ahiyayapi hehan tankan iyayapi, Oliwe paha kin he ekta.

Mattheos 4:10

Hehan Jesus heciya; Satan miḣeyata ya wo; Itancan Wakantanka nitawa kin he ohoyada kta, qa iśnana wowidagniye kta ce, eya owapi tuka qon.

Lukas 10:41

Tuka Jesus waayupte c̣a heciya; Martha, Martha, taku ota yakicanda wacanni, qa on nagiyenic̣iya ece:

Olianyanpi kin 9:4

Hehan makata hinḣpaye c̣ehan, wicaho wan naḣon, Salos, Salos, tokeca śicaya mayakuwa he, eciya.

I. Korinth 5:5

Wicaśta kin he Satan yaqupi kta, ceḣpi yutakuni kte śni, hecen Jesus Itancan kin taanpetu kin en nagi kin ni kta.

II. Korinth 2:11

Hecen Satan ohiunyanpi kte śni; iye token ic̣iconze cin sdonunyanpi.

I. Inyan 5:8

Witkopi śni po, waktaya un po; Wakanśica tokaniyanpi kin he mnaja hoton ece kin iyecen omani un, tuwe yapote kte cin he akita ece.

Wayuotanin 12:10

Unkan maḣpiya kin eciyatanhan wicaho wan tanka nawaḣon, hecen eya, Wanna unkita Wakantankapi wiconi tawa, qa towaśake qa tokiconze kin u; qa Mesaiya wicookihi tawa kin nakun; tuwe hunkawanjin wicunkiyapi kin taku iyawicaonpe cin, Wakantanka unkitawapi kin itokam, anpeto hanyetu ko awicaie cin hee kun eḣpeyapi kin heon etanhan.