Lukas 21:23 - Dakota Wowapi Wakan Kin

²³ Tuka anpetu kin hena en tona ihduśakapi, qa tona hokśin azinwicakiyapi kin hena woteḣi wicakiciyanke kta; maka kin akan wokakije tanka kta, qa wocanniye oyate kin de en awicaun kta.

Lukas 21:23 ပူးပေါင်းရင်းမြစ်များ

Mattheos 21:16

Qa heciyapi; Dena taku eyapi kin nayaḣon he. Unkan Jesus hewicakiya; Han; Hokśiyoqopa, tona azinpi ko ipi kin etanhan wowitan duśtan ce, eyapi kin he tohinni dawapi śni he.

Mattheos 21:41

Unkan heciyapi; Wicaśta śikśice cin hena teḣiya ihangwicaye kta, qa kicanyanpi toktokeca tohan iyehantu eca waskuyeca kicupi ece e kta hena hastanhanka iyuwi ojupi kin owicaqu kta.

Mattheos 21:44

Unkan tuwe inyan kin de ahinḣpaye cinhan kamden eḣpeyapi kta; qa tuwe he akan iḣpaye cinhan tanyan kamdu kta.

Mattheos 24:19

Unkan tona anpetu kin hena en ihduśakapi, qa hokśiyoqopa azinwicakiyapi kin hena woteḣi yuhapi kta.

Markos 13:17

Tuka anpetu kin hena en tona ihduśakapi qa hokśiyoqopa azinwicakiyapi kin hena teḣiya unpi kta.

Lukas 19:27

Tuka tokamayanpi iwicawadake kta cinpi śni qon hena den awicaupi qa mitokam wicakte po, eya ce.

Lukas 19:43

Anpetu kin hiyonihipi kta, tona tokaniyanpi kin nihdukśan maka qapi, qa okśan niyankapi kta qa ohomni ohinniyan anapte nanijinpi kta:

Lukas 23:29

Iho, anpetu hiyohi kte cin hena en heyapi kta; Hokśin yuhapi śni, qa wicitpi tohinni cincaton śni, qa aze tohinni azinpi śni kin hena yawaśtepi ce.

I. Korinth 7:26

Nakaha wicokakije kin on etanhan de waśte kepce, wicaśta kin ecen un kte cin he waśte.

I. Thessalonike 2:16

Qa Ikcewicaśta nipi kte cin iwahokonwicunkiyapi kta he teḣindapi, qa hecen ohinniyan waḣtanipi kin hduśtanpi kta. Wocantiyahde owihanke aiyahdeya wanna en awicau.

Hebrew 13:16

Taku waśte; econpi, qa wacantkiyapi kin hena akiktonjapi śni po, hena wośnapi kin Wakantanka iyokipi ece.

Jakob 5:1

Iho po, tona wijica yaunpi kin, wokakije nihiyahdepi kte cin hena on ceyapi qa śicahowaya po.

I. Inyan 4:17

Wakantanka tiyohnaka tawa kin wicayukcanpi kte cin wanna iyehantu. Unkan he unkiyepi etanhan aye cinhan, tona Wakantanka tawootanin waśte wicadapi śni kin hena token owihankepi kta he.