Lukas 20:36 - Dakota Wowapi Wakan Kin

³⁶ Qa nakun ake ṭapi kta okihipi śni; tuka hena maḣpiya ohnihde kin om akiyececapi ece, qa wicakini kin he hena cinca kin on etanhan Wakantanka cincawicaya ece.

Lukas 20:36 ပူးပေါင်းရင်းမြစ်များ

Mattheos 22:30

Piya wicoicage kin en winoḣinca wicayuzapi śni, qa hiḥnatonpi śni, tuka maḣpiya ekta Wakantanka ohnihdewicaye cin iyececapi ece.

Markos 12:25

Wiconṭe etanhan piya wicoicage kinhan tawicu tonpi śni qa hihnaku yuhapi śni; tuka maḣpiya ekta ohnihde unpi kin iyececapi.

Roma 8:16

Qa Wakantanka cinca kin heuncapi e unnagipi kin kici Woniya kin e unyuotaninpi.

I. Korinth 15:26

Qa toka ehake ihangye kte cin he wiconṭe kin ee.

I. Korinth 15:42

He iyecen wicaṭe cin piya wicoicage. Tancan ḣwin ojupi, tuka ḣwin kte śni ekicetu yapi.

I. Korinth 15:49

Unkan makata un kin touncage kin unhapi kin, he iyecen maḣpiya tanhan un kin touncage kin unhapi kta.

Philippi 3:21

Iye untancanpi ḣanye cin he yutokecakta; qa iye tancan wakan kin ouncage kin en icaḣye kta, towaśake on taku owasin ohiye kta okihi kin heon etanhan.

Wayuotanin 20:6

Tuwe piya iwicacage tokaheya kin en ope cinhan he yawaśtepi qa owotanna un. Hena wiconṭe inonpa kin iyowicahi kte śni, tuka Wakantanka qa Messiya kin ekta wawayuśnapi kin heca wicayawapi kta, qa kici ounyanpi kta, waniyetu kektopawinge hehanyan.

Wayuotanin 21:4

Qa wiciśta kin etanhan Wakantanka iśtamnihanpe owasin wicakipakinte kta, qa hetanhan wiconṭe wanice kta, wicocante śica, wicaceya, wicokakije ko wanice kta, taku tokaheya un kin wanna henakeca.

Wayuotanin 22:9

Hehan hemakiya, Ihnuhan hecanon kin; miś eya ookiye cici waun, qa nihunkawanji wicaśta wokcanpi kin etanhan waun, qa tona wowapi kin de oie yuhapi kin hena owicawapa; Wakantanka ohoda wo.