Lukas 20:35 - Dakota Wowapi Wakan Kin

³⁵ Tuka tona rnakoce kin he en opapi kte cin, qa wicaṭe cin etanhan kinipi kta iyececa wicadakapi kin hena tawicu tonpi śni, qa hihnatonpi śni ece.

Lukas 20:35 ပူးပေါင်းရင်းမြစ်များ

Mattheos 12:32

Qa tuwe Wicaśta Cinhintku kin taku śica eciye cinhan, he kicicajujupi kta; tuka tuwe Woniya Wakan kin taku śica eciye cinhan, he kicicajujupi kte śni, wiconi kin de en, qa nakun wiconi u kte cin en.

Mattheos 22:29

Jesus waayupte c̣a hewicakiya; Yanunipi, wowapi wakan qa Wakantanka towaśake kin sdonyayapi śni.

Markos 10:42

Tuka Jesus wicakico qa hewicakiya; Oyate kin ekta tona itancan unpi kin wowidagwicayapi ece; qa tona tanka unpi kin hena oyate wicayuhapi ece.

Markos 12:24

Unkan Jesus waayupte c̣a hewicakiya; Wowapi wakan kin sdonyayapi śni, qa nakun Wakantanka towaśake kin, heon yanunipi.

Lukas 16:8

Unkan yuhe cin waawanyake owotanna śni kin yaonihan, okiksamya econ kin heon etanhan: maka kin de cincapi kin iwicacage cin en iyoyanpa cinca kin isanpa ksapapi ece.

Lukas 21:36

Heon ohinniyan wakta po, qa cekiya po; hecen taku hiyohi kte cin dena owasin icunom idadapi, qa Wicaśta Cinhintku kin itokam nayajinpi kta iyececa niyawapi kta ce.

Johannes 5:29

Qa hninanpapi kta, tona waśte econpi kin hena wiconi woekicetu ekta; qa tona taku śica econpi kin hena woyaeo woekicetu ekta hiyupi kta.

Olianyanpi kin 24:15

Qa Wakantanka wacinwaye, qa wicaṭe cin, waśte śica ko, ake woekicetu kte cin he ape waun, he iś iyepi nakun hecen wicadapi.

Olianyanpi kin 5:41

Unkan iye omniciye kin etanhan hdapi, qa Jesus caje kin on wowiśtece en awicaupi iyececa wicayawapi kin heon wiyuśkinpi.

II. Thessalonike 1:5

Wakantanka tawoyaco owotanna wowapetokeca kin he dee, nicakijapi kin heon Wakantanka tokiconze kin iyehantu niyawapi kta.

Hebrew 11:35

Winoḣinca kin cinca kiṭcapi kin ekicetuyapi ewicahdakupi. Qa wanjikji nina kakiśyapi, tuka etanhan ehdakupi kta cinpi śni, woekicetu iyotan waśte kin yuhapi kte cin heon etanhan.

Wayuotanin 3:4

Tuka Sardis ekta wicacaje tonana duha, hena e tawokoyake kin hduśapapi śni; qa ska ihduzapi ecen mici manipi kta; he iyehantupi nakaeś.