Lukas 20:22 - Dakota Wowapi Wakan Kin

²² Iho, Kesar wamnayanpi kin unqupi, qa iś unqupi kte śni, unma tukte hecetu he.

Lukas 20:22 ပူးပေါင်းရင်းမြစ်များ

Mattheos 17:25

Unkan, Han, eya. Hehan tin hdicu qehan Jesus tokaheya ie c̣a heciya; Simon token idukcan he; maka akan wicaśtayatapi kin tokiyatanhan mazaska mnayanpi he; iye cincapi etanhan, qa iś wicaśta tokecapi kin etanhan.

Lukas 20:21

Unkan hena wiwangapi, qa heyapi; Waonspekiye cin, niye tanyan iyae, c̣a waonspeyekiya ece; qa tuwedan en eyatonwe śni; tuka Wakantanka ocanku tawa kin he awicakehan onspewicayakiya e sdonunniyanpi ce:

Lukas 20:23

Unkan wayupiya hnaye wacinpi kin he iwicayukcan, qa hewicakiya; Tokeca iyutanmayayapi he.

Lukas 23:2

Hehan hinnakaha wiyaonpapi, qa heyapi; De oyate kin owicayuśice, c̣a Kesar wamnayanpi qupi kin he teḣinda iyeunyanpi; qa iye Messiya Wicaśtayatapi kin heca keic̣iya ce, eyapi.

Olianyanpi kin 5:37

Qa he iyohakam Judas Galile etanhan, owicawapi anpetu kin he ehan inajin, qa oyate ota ihakam awicaya; he nakun ihangyapi, qa tona wicadapi qon owasin enanakiya eyaya.

Roma 13:7

Heon etanhan, owasin taku token wicaqupi kta iyecece cin wicaqu po: Tona iye taoyate kin etanhan mazaska mnayanpi kin he ecen wicaqu po; qa tona oyate tokeca etanhan mnayanpi kin he nakun ecen wicaqu po. Tona kinihanpi kte cin hena wicakinihan po, qa tona yuonihanpi kte cin hena wicayuonihan po.