Lukas 2:14 - Dakota Wowapi Wakan Kin

¹⁴ Iyotan wankantu ekta Wakantanka wowitan yuha nunwe, maka akan wookiye qa wicaśta ekta wicokiciyuwaśte.

Lukas 2:14 ပူးပေါင်းရင်းမြစ်များ

Mattheos 21:9

Qa wicota tokata yapi, qa tona ihakam upi kin, howayapi qa heyapi; Dawid Cinhintku woohiye yuha nunwe. Tuwe Itancan Caje on u kin yawaśtepi nunwe: Maḣpiya ekta woohiye yuha nunwe.

Lukas 1:79

Hecen otpaza qa wiconṭe ohanzi kin ehna iyotankapi kin hena iyoyamwicaye kta; qa unsihapi kin wookiye canku kin ohna unkayapi kta ce, eya.

Lukas 19:38

Qa heyapi; Wicaśtayatapi tuwe Itancan caje kin on u kin he yawaśtepi ce; maḣpiya ekta Wookiye, qa iyotan wankantu ekta wowitan un nunwe.

Lukas 2:13

Unkan ihnuhanna maḣpiya ekta unpi kin wicota ohnihde wakan kin kici hiyeya, Wukantanka yatanpi qa heyapi;

Lukas 2:15

Unkan maḣpiya ohnihde kin hena eḣpeya wicakiyahdapi qehan, wicaśta taḣincaska awanwicayakapi kin hekiciyapi; Wanna Bethlehem ekta unyanpi, qa taku hiyohi Itancan unkokiyakapi kin de wanunyakapi kta ce.

Lukas 3:22

Qa Woniya Wakan kin wakiyedan kaḣya tantonyan kun u, qa en iyahan; unkan maḣpiya eciyatanhan wicaho wan hiyu, qa heya; Micinkśi waśtewakidake cin he niye; niye on iyomakipi ḣinca.

Johannes 14:27

Wokiyapi aiḣpeciyapi; wookiye mitawa cic̣upi: wicaśta akantu kicic̣upi he iyecen cicupi śni. Ihnuhan cante niśicapi qa kopehda yaunpi kinhan.

Johannes 17:4

Maka kin akan ciyutan; qa wicokicanye mayaqu qon wanna owasin wahduśtan.

Johannes 3:16

Wakantanka oyate kin cantewicakiya, heon Cinhintku iśnana icage cin wicaqu, qa tuwe awacin kinhan owihanke kte śni, tuka owihanke wanin wiconi yuhe kta.

Olianyanpi kin 10:36

Jesus Messiya kin, owasin en Itancan kin hee, he eciyatanhan wicoie Israel cinca kin wookiye iwahowicayapi qon.

Roma 5:1

Hecen wacinyanpi on owotanna unyawapi kin, heon etanhan Wakantanka ekta wookiye unhapi, Jesus Messiya Itancan unkiyapi kin eciyatanhan.

Ephesos 1:6

Iye towaonśida wowitan yatanpi kte cin on, he iye Waśtekidake cin en waśteundakapi:

Ephesos 1:9

Qa iye toiyokipi kin eciyatanhan, iye tawacin wowiyukcan kin sdonyeunkiyapi, he iye en ic̣iconze ciqon he iyecen:

Ephesos 2:4

Tuka Wakantanka wowaonśida kin on wijica kin he towaśtedake tanka kin on waśte undakapi kin heon;

Ephesos 2:7

Hecen wiconi u kte cin en, Jesus Messiya on cantounhnakapi kin on, towaonśida woyuha wopteca śni kin hduotanin kta.

Philippi 2:11

Qa Wakantanka Ateyapi kin yatanpi kte cin on, Jesus Messiya he Itancan kin ee ce; wicaceji owasin eya oyakapi kta.

Philippi 2:13

Tuwe cinniciyapi, qa econniciyapi kin he Wakantanka ee, iye toiyokipi kin eciyatanhan niyepi kin en oḣanyan.

Kolosse 1:20

Qa iye can susbeca we kin eciyatanhan wookiye kage c̣a, heon etanhan taku owasin iye kici okiciciye wicaye kta, taku maka akan un, qa taku maḣpiya ekta un kin hena, iye on.

II. Thessalonike 2:16

Qa Jesus Messiya Itancan unkiyapi kin hee, qa Wakantanka Ateunyanpi kin iye waśte undakapi, qa wicimdeza owihanke wanice cin wowaonśida eciyatanhan woape waśte ko unqupi kin,

Wayuotanin 5:13

Unkan taku maḣpiya ekta un, qa taku maka akan un, qa taku maka ihukuya tanhan un, qa taku miniwanca mahen un, hena taku ohnaka ko owasin kaken eyapi nawaḣon; Tuwe oiyotanke kin akan kiyotanke cin Amnos kin kici wowaśte kin, wootanin kin, wowitan kin, qa wowaśake kin henakiya owihanke wanin tawapi nunwe.